मिस ग्राण्ड नेपाल ताजको लागि १६ युवतीको प्रतिष्पर्धा

बिशेष अनलाइन । कोरोना महामारी साम्य हुदै गएपछि प्राय सबै क्षेत्रहरु यतिबेला खुल्ला भैसकेको छ । हाल सौन्दर्य प्रतियोगिताको क्षेत्र पनि खुल्ला भएसंगै यतिबेला देशैभर विभिन्न नाममा सौन्दर्य प्रतियोगिताहरु भैरहेको छ । यस्तैमा मिस ग्राण्ड नेपालको चौथो सिजन पनि अन्तिम चरणमा पुगेको छ । अर्थात प्रतियोगिताको केहि दिनअघि ट्यालेण्ट राउण्ड सम्पन्न भएको थियो । आज उक्त कार्यक्रमको हुदैछ । आयोजक कम्पनि आरके इन्टरटेन्मेन्ट ग्रुपका अनुसार काठमाडौको जमल स्थित राष्ट्रिय नाचघरमा आज साझ ५ बजेबाट ग्राण्ड फिनाले कार्यक्रम सुरु गरिने छ ।

ुमिस ग्राण्ड नेपालु प्रतियोगितामा निशु शाह सिरहाबाट, सपना कार्की पोखराबाट, वर्षा राणा नवलपरासीबाट, ममता मल्ल डोटीबाट, सोनाली सापकोटा काभ्रेबाट, सुर्जिना श्रेष्ठ काठमाडौबाट, मनिषा छिनाल हेटौडाबाट, यशोदा रेग्मी पाल्पाबाट, ममता बुढा क्षेत्रि बर्दियाबाट, बबिता आचार्य झापाबाट, अस्मिता तामाङ काठमाडौबाट, डिम्पल खरेल झापाबाट, प्रमिला विश्वकर्मा पोखराबाट, सोना यादव बाराबाट, आयुष्या चन्द ठकुरी सिन्धुलीबाट र अन्जली थापा दाङबाट सहभागी भएका छन् ।

गएको ४ गते काठमाडौको जमल स्थित राष्ट्रिय नाचघरमा भएको ट्यालेण्ट राउण्डमा प्रतिष्पर्धीहरुले नृत्य, अभिनय, कविता, गायन र भाषण कला प्रस्तुत गरेका थिए । प्रतिष्पर्धीहरुले तालिम अवधिमा भाषा, व्यक्तित्व विकास, भौगोलिक इतिहास, श्रृंगार, ऐतिहासिक ठाउँको भ्रमण, फोटो सुट, सामाजिक कार्य अनुभव, आत्मविश्वास, सवाल जवाफ, क्याटवाकलगायतको प्रशिक्षण गराईएको छ ।

ट्यालेन्ट शो को निर्णायक मण्डलमा डान्स डाइरेक्टर राजिव बलामी, संगितकार एवम लेक्चरर सरोज प्याकुरेल, सञ्चारकर्मी दिपेन्द्र राज शाक्य, मिस ल्याण्ड स्क्याप २०१९ कि बिजेता मिस अस्मिता ढुंगाना रहेका थिए भने प्रमुख अतिथिमा किसन राज शिह रहेका थिए । यस्तै कार्यक्रमको अतिथिको रुपमा राजु श्रेष्ठ, प्रकाश कुवर, गौरब श्रेष्ठको उपस्थिति रहेको थियो । ट्यालेण्ट राउण्ड कार्यक्रम श्री प्रशाद शर्माले संचालन गरेका थिए ।