बिशेष अनलाइन । यतिबेला बिश्वमा नै फुटवलको चर्चा छ । विश्वकप पछिका ठुला मानिएका प्रतियागिताहरु यूरोकप र कोपा अमेरिका यो समय चलिरहेका छन् । विश्व फुटवलका २ हस्तीहरु आआफ्ना खेल खेलिरहेका छन् । अर्जेन्टिनाका स्टार फर्वाड लियोनल मेस्सी कोपा अमेरिकामा प्रतिष्पर्धा गरिरहेका छन् भने अर्का पोर्चुगलका स्टार फर्वाड क्रिस्टियानो रोनाल्डो यूरोकपमा प्रतिष्पर्धा गरिरहेका छन् ।
लामो समय देखि यी २ स्टार खेलाडीहरु मध्य को उत्कृष्ट भन्ने चर्चा चल्दै आएको छ । नेपालमा पनि लाखौको शंख्यामा दुवै खेलाडीलाई समर्थन गर्ने समर्थकहरु छन् । कतिपय अवस्थामा दुई खेलाडीमध्य को उत्किृष्ट भनेर समर्थकहरुबिच नै आरोप प्रत्यारोप हुने गरेको छ । यसै बिच गायक प्रमोद खरेलले लियोनल मेस्सी र क्रिस्टियानो रोनाल्डोका विषयमा रोचक टिप्पणी गरेका छन् । उनले दुवै बिश्व फुटवलका महान हस्तीहरु भएको बताउदै यो समयका फुटवल समर्थकलाई भाग्यमानी भनेका छन् ।
प्रमोदले रोनाल्डोलाई यो पुस्ताका शक्तिशाली, मिहनेती, स्किलफुल र ख़तरनाक खेलाडी भनेका छन् । उनले मेस्सीप्रति टिप्पणी गर्दै भनेका छन् ‘मेस्सी वर्तमान फुटबलका जादुगर नै हुन उनी मात्र खेल्दैनन जादु नै चलाउछन् । जसको जादु कति खेर कस्तो चल्छ अनुमान गर्न सकिन्न ।’
प्रमोदले अघि भनेका छन् ‘हाल मेस्सी कोपा को क्वार्टर फाइनलमा छन् , रोनाल्डो युरोमा, र हाम्रो पुस्ता भाग्यमानी जो यी दुइ महान खेलाडीको खेल हेर्न पाइरहेका छौं।’
दुबै खेलाडीहरु खेल जीवनको उतारार्धमा रहेको बताउदै प्रमोदले यी हस्तीको खेल अबका केहि वर्षमा इतिहास बन्ने र हामीले लाइभ नभएर पुराना रेकर्ड हेरेर चित्त बुझाउनु पर्ने बताएका छन् । गायक प्रमोदले भनेका छन् ‘सम्भवत ऑउदो विश्वकपपछि फेरी हेर्न पाइएला नपाउएला, चोट र फ़िटनेस त झन छदैछ।’
मेस्सीको देश अर्जेन्टिना कोपा अमेरिकाको अन्तिम आठमा पुगिसकेको छ । यता रोनाल्डोको देश पोर्चुगल भने केही कठिन अवस्थामा छ । उसले आफुलाई अघि बढाउन बिश्व बिजेता राष्ट्र फ्रान्सलाई पाखा लागाउनु पर्ने बाध्यता छ । प्रमोदले दुबै राष्ट्र अहिले नै प्रतियोगिताबाट बाहिरिन नहुने बताएका छन् ।
उनले मेस्सी र रोनाल्डोका लागि कामना समेत गरेका छन् । उनले भनेका छन् ‘कामना गरौं यी दुइ खेलाडी आवद्द टिम अहिले नै नबाहिरिउन्,आशा गरौं यिनले अझै केहि सुन्दर खेलहरु देखाइरहुन् ।’ प्रमोदले रोनाल्डो र मेस्सी आवद्ध भएका टिमबाहेकका अन्य टिमहरुपनि उत्कृष्ट भएको बताउदै जुनसुकै टिमले पनि उपाधी काब्जा गर्न सक्ने बताएका छन् । प्रमोदले आफ्नो रोजाइमा जो भए पनि दुबै खेलाडीलाई सम्मान गर्न आग्रह गरेका छन् ।
Discussion about this post