बिशेष अनलाइन । मोरङको जहदा गाउँपालिकामा रहेर सामाजिक कार्य गर्दै आएका सामाजिक अभियन्ता गीतकार, गायक विष्णु राजवंशीले जीवन बचाऔं अभियान सञ्चालन गर्दै आएका छन् । सोही अभियान अन्तर्गत महामारीको चपेटामा परेका दर्जनौ घर परिवारलाई खाद्यान्न सहयोग गरिएको छ।
अघिल्लो लकडाउन सुरु भए देखि नै गायक तथा सङ्गीतकार राजवंशी राहत सामाग्री वितरणमा जुटेका थिए । कोरोना भाइरसको दोश्रो भेरियन्टमो समयमा पनि अतिविपन्न परिवारका लागि राहत सामाग्री वितरण कार्यलाई निरन्तरता दिइएको अभियान्ता राजवंशीले जानकारी दिएका छन् ।
यस पटक भने अभियानलाई थप बृहत बनाउदै जहदा गाउँपालिका, बिराटनगर महानगरपालिका, लगायत अन्य नजिकैका गाउँ पालिकाहरुमा राहत वितरण गरेको छ।
कोरोना महामारीका कारण जारी निषेधाज्ञाले मजदुरी गर्न समेत नपाएका विपन्न परिवारलाई राहत सामग्री उपलब्ध गराउका लागि भिलेज नेपाल शाखा कार्यालय जहादा वडा नं। १ र हातीबन्धा युवा क्लबको सहकार्यमा ‘जीवन बचाऔं’ अभियान सञ्चालन गरिएको अभियान्ता राजवंशीको भनाई थियो ।
जीवन बचाऔं अभियानमा आदर्श यूवा क्लवका अध्यक्ष आशिष साह, हृदय राजवंशी, जितु साह, संतोष साह, जीवन विकास समाजका अध्यक्ष योगेन्द्र मण्डल, विनिता सिंह, सरोज वानियाँ, सुजित कुमार ठाकुर, पन्नालाल राजवंशी, डा। अमर कुमार यादव, रमेश कुमार मण्डल , फैयाज राइन , शिक्षक बालेश्वर राजवंशी जयराम यादव, प्रहरी जवान नारायण चौधरी, सरबन महतो लगायतले सहयोग गरेका छन् ।
अभियान्ता राजवंशीले जीवन बचाऔं अभियानमा हातेमालो गर्ने बिभिन्न व्यक्ति तथा संघसंस्थाहरुलाई धन्यावाद ज्ञापन गरेका छन् ।
Discussion about this post