प्रधानमन्त्रीलाई गैडाको सुझाव ‘नागरिकको मन जितिदिनु’

इटहरी / राम्रै राजनितिक रस्साकास्सी पछि अन्ततः पुन केपी शर्मा ओली नै प्रधानमन्त्री बनेका छन् । नेपाली काङ्ग्रेस, माओवादी केन्द्र र जसपाको उपेन्द्र-बाबुराम पक्ष संयुक्त सरकार बनाउन असफल भए पछि अन्ततः पुन केपी शर्मा ओली नै प्रधानमन्त्री बनेका हुन् ।

केपी ओली पुन प्रधानमन्त्री बन्दै गर्दा कोहि उत्साहित देखिएका छन् भने कोही दुखी बनेका छन् । यसै बिच प्रधानमन्त्रीमा नियुक्त हुँदै गर्दा उनलाई सामाजिक संजाल मार्फत शुभकामना दिनेको पनि बाक्लो सहभागिता दिखिएको छ ।                                     

हास्य कलाकार तथा निर्देशक निर्मल शर्मा उर्फ गैडाले पनि प्रधानमन्त्री केपी शर्मा ओलीलाई शुभकामना दिएका छन् । उनले व्यङ्ग्यात्मक शैलीमा प्रधानमन्त्री ओलीलाई शुभकामना दिएका छन् ।

उनले प्रधानमन्त्री ओलीले आफ्ना कार्यकर्ता खुशी बनाउन सफल भए पनि जनता खुशी बनाउन असफल भएको कुरालाई इङ्गित गरेका छन् । प्रधानमन्त्री ओलीसगै खिचिएको तस्वीर पोष्ट गर्दै गैडाले भनेका छन्  ‘कार्यकर्ताको मन त जित्नुभयो अब नागरिकहरुको मन पनि जितिदिनु होला, शुभकामना’ ।