धिरज र उपासनाको चलचित्र ‘खुस्मा’ जापान र कोरियामा प्रदर्शन

विशेष अनलाइन । अशोक थापा मगरको लेखन तथा निर्देशनमा बनेको चलचित्र ‘खुस्मा’ जापान र कोरियामा प्रदर्शन हुने भएको छ । निर्माण टिमले शुक्रबार एक पोस्टर सार्वजानिक गर्दै चलचित्रको यी दुई देशको प्रदर्शन अधिकार बिक्री भएको जानकारी दिएको हो ।चलचित्रको जापान प्रदर्शन अधिकार खुर्पेटो प्रोडक्सनले किनेको हो भने कोरिया राइट्स कस्ले किनेको भन्नेकोर निर्माण टिमले खुलाएको छैन ।

धिरज मगर र उपासना सिङ् ठकुरीको मुख्य भुमिका रहेको चलचित्रको गीत र टिजर रिलिज भैसकेपछि दर्शकमाझ प्रचार उच्च बनेको छ । जसको फाइदा चलचित्रको विदेश राइट्काे माग बढेको निर्देशक थापा मगरले बताएका छन् । अन्य देशबाट पनि चलचित्र प्रदर्शनको कुरा भैरहेकाे उनले जानकारी दिए ।

संविधान दिवसको अवसर पारे असोज ३ गतेदेखि प्रदर्शनमा आउने चलचित्रमा धिरज र उपासना सहित माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकारहरुको अभिनय रहेको छ ।

एम मिडिया प्रालिको ब्यानरमा निर्माण भएको चलचित्रको निर्मार्ता विर बहादुर लामा, चन्द्र बहादुर भट्टचन, मान बहादुर धनाह मगर र बेतान मगर रहेका छन् ।चलचित्रको सह-निर्मार्ता सुस्मिता बुढाथोकी रहेकि छिन् । चलचित्रको छायाङ्कन दीपक बज्राचार्यले गरेका छन् । मगर समुदायको परिवेशमा निर्माण भएको प्रेमकथामा आधारित चलचित्र ले जनयुद्धको प्रभावका बिच अंकुराएको प्रेमलाई पर्दामा देखाउने छ ।