प्रकाश सपुतको चलचित्र ‘वसन्त’ को फस्टलुक पोस्ट सार्वजनिक

विशेष अनलाइन । प्रकाश सपुतको निर्देशनमा बन्ने चलचित्र ‘वसन्त’ को फस्टलुक पोस्ट सार्वजनिक गरिएको छ । शुक्रबार चलचित्रको पहिलो पोस्टर सर्वजानिक गरिएको हो ।

पोस्टरमा चलचित्रका प्रमुख ५ कलाकारको चरित्र चित्रण छ । कलाकारलाई विद्यार्थीको पोसाकमा देखाइएको छ । पोस्टरमा स्वस्तिमा खड्काको पात्रको नाम शान्ति शर्मा, प्रभात पाल ठकुरीको प्रेम आर क्षेत्री, खड्गबहादुर पुन (खबपु)को सत्यबहादुर मगर, प्रकाश सपुतको वसन्त विक र शिवांसी श्रीको सपना विक नाम राखिएको छ । चलचित्रको निर्माण कम्पनी गलबन्दी प्रोडक्सन हो ।

कथा र सङ्गीत समेत सपुतकै रहने चलचित्रको कार्यकारी निर्मातामा मोहन विश्वकर्मा, अनुरोध भट्टराई र नाना थकाली रहेका छन् । केही अगाडि बागलुङकै कालिका मन्दिरमा शुभसाइत गरिएको चलचित्रको छायाङ्कन शनिबारबाट सुरु हुने बताइन्छ । चलचित्रको प्रदर्शन आगामी चैत २२ गते तय गरिएको छ ।