विशेष अनलाइन । पछिल्लो समय कोशी प्रदेशमा भाषाभाषीका विभिन्न चलचित्र तथा छोटा चलचित्रहरुको ‘विशेष शो’ बाक्लै हुने गरेको छ । यसैबिच लिम्बुहरुको बिहेको संस्कारसँग जोडीएको लघु चलचित्र खोक्पा र सम्पन्न परिवार भएर पनि सन्तान प्राप्त गर्न नसक्दा भोग्नुपरेको कथालाई समेटेको चलचित्र बाध्यताको एकसाथ दमकमा प्रदर्शन गरिएको छ । धरान तथा इटहरीका दर्शकले चलचित्र रुचाएपछि दमकमा समेत प्रदर्शन गरिएको चलचित्र खोक्पाकी निर्माता मिना हुक्पा चोङ्बाङले बताइन् ।
निर्माता मिना हुक्पा चोङ्बाङका अनुसार लिम्बू जातिमा छोरी चेली विवाह गरेर गएपछि रीतिरिवाज अनुसार कोसेली बुझ्नु लाई ‘खोक्पा’ भनिन्छ । चलचित्रले पनि सोही कथालाई उत्कृष्ट शैलिमा प्रस्तुत गरेको छ ।
मिना हुक्पा चोङ्बाङको निर्माण , प्रकाश लिम्बु को लेखन तथा निर्देशन रहेको ‘खोक्पा’ हेर्न झापाको दमक स्थित डिमेक्स सिनेमा हलमा झापा आसपासका दर्शकहरु खचाखच थिए । चलचित्र हेरिसकेर संचारकर्मीहरु सँग दर्शकहरुले ‘खोक्पा’ निकै मन परेको प्रतिकृया दिए । हाम्रो संस्कार संस्कृति बढो गज्जब रहेछ चलचित्र हेरेर धेरै कुरा थाहा पाइयो एक दर्शकले भने , चलचित्र मार्फत लिम्बुहरुको संस्कारका विषयमा जानकारी प्राप्त गरेको बताउदै उनिहरुले निर्माण टिमलाई धन्यवाद समेत दिए।
‘खोक्पा’मा निर्माता मिना हुक्पा चोङ्वाङका साथमा वरिष्ठ कलाकार प्रेम सुब्बा, नबिन मेन्यङ्बो, बादल चेम्जोङ, नुमा नेयोङ लिम्बु, तिरज लिम्बु, जोसेफ लिम्बु , यम सुब्बा, हिमाल लेचर्बो, तिर्थ मदेम्बा, नबिन पराजुली, समृद्धि लिम्बु, उर्मिला तामङ मकर बहादुर नेयोङको अभिनय रहेको ‘खोक्पा’ को प्रमुख भूमिकामा नुमा नेयोङ र तिरज लिम्बु छन् ।
यस्तै प्रकाश लिम्बुकै लेखन निर्देशन् तथा मुख्य अभिनय रहेको अर्को चलचित्र ‘बाध्यता’ पनि प्रदर्शन भयो । तिरज लिम्बुको निर्माण रहेको बाध्यताले दर्शकहरुलाई मनोरन्जन दिएको थियो । सुरु सुरुमा हासिरहेका दर्शकहरु चलचित्रको अन्त्य अन्त्यमा आसु झारिरहेका थिए । ‘बाध्यता’ ले अहिलेका युवा पुस्ताहरुको प्रेम कहानी, रोमान्स र त्यस्ले निम्त्याउने आरोह अवरोहलाई निर्देशक लिम्बुले गज्जबले प्रस्तुत गरेका छन् ।
चलचित्र खोक्पाकी निर्माता तथा कलाकार मिना हुक्पा चोङ्बाङले दमक पछि पुर्वका अन्य केही स्थानहरुमा पनि चलचित्रको प्रदर्शन गरिने बताइन् । केही समय पछि बिर्तामोड तथा धरानमा समेत चलचित्रको प्रदर्शन गरिन्े निर्माता चोङ्बाङको भनाई थियो । केही समय पछि आफु फिचर्ड चलचित्र निर्माणको तयारीमा रहेको समेत उनले बताएकी छन् ।
Discussion about this post