बिशेष अनलाइन । हाँस्य कलाकार सिताराम कट्टेल आजबाट ३८ बर्षमा प्रवेश गरेका छन् । वि।सं २०४० साल असोज ४ गते जन्मिएका सिताराम पछिल्लो समय कलाकारिता भन्दा सामाजिक अभियनमा धेरै व्यस्त रहने गर्छन् । नेपाली दर्शकमा ‘धुर्मुस’ नामले परिचित सिताराम यस समय चितवनमा ‘गौतम बुद्ध अन्तरराष्ट्रिय क्रिकेश रंगशाला’ निर्माणमै व्यस्त छन् ।
धुर्मुसलाई बिहानैबाट सामाजिक सञ्जालमा जन्मदिनको शुभकामना आइरहेको छ । उनले भने–‘मलाई शुभकामना दिने सबैको आर्शिवाद मलाई लागेको छ । यसैले, म आफ्नो अभियानमा निरन्तर अगाडि बढिरहेको छु ।’ यस समय रंगशाला निर्माणको काम रोकिएपनि छिटो भन्दा छिटो रकम जुटाएर पुन काम थालिने कट्टेलले जानकारी दिए । उनले आफ्नो सपना हरेक नेपालीलाई खुशी बनाउनु रहेको बताएका छन् । ।
लामो समय देखि कलाकारिता क्षेत्रमा संघर्ष गरेका कट्टेलको हाँस्य सिरियल ‘मेरी बास्सै’मा काम गरेपछि चर्चा चुलिएको चुलिएको थियो । । उनले केही चलचित्रमा काम गर्नुका सािथै चलचित्र निर्माण समेत गरेका छन् । पछिल्लो समय कलाकारिताका नामबाट भन्दा पनि उनको नाम सामाजिक अभियन्ताको रुपमा स्थापित भएको छ । एकिकृत नमुना बस्ती निर्माणदेखि समस्यामा परेकाहरुलाई सहयोग गर्नमा सिताराम सधै अग्रसर देखिने गरेका छन् ।
सितारामले हाँस्य सिरियल ‘मेरी बास्सै’मा जोडी भएर अभिनय गरेकी हास्य कलाकार कुन्जना घिमिरेसँग नै बिवाह गरेका थिए । जसलाई नेपाली दर्शकले ‘सुन्तली’ नामले चिन्ने गरेका छन् । धुर्मुस सन्तलीको हाल एक छोरी रहेकी छन् ।
Discussion about this post