बिशेष अनलाइन । निर्देशक दीपाश्री निरौला पुर्वान्चल ईन्स्टिच्युट अफ फिल्म एन्ड टेलिभिजनको अध्यक्ष पदमा नियुक्त भएकी छन् । निर्देशक, निर्माता तथा कलाकार दीपकराज गिरीको प्रमुख आतिथ्यतामा ईन्स्टिच्युटको सभाहलमा एक कार्यक्रमको आयोजना गर्दै निर्देशक तथा कलाकार निरौलालाई अध्यक्ष पदमा नियुक्त गरिएको हो । कार्यक्रममा चलचित्र बिकास बोर्डका पुर्व अध्यक्ष राजकुमार राई ईन्स्टिच्युटको संरक्षकको रुपमा रहेको जानकारी गराईएको थियो । ईन्स्टिच्युटको वरिष्ठ सल्लाहकारमा चलचित्रकर्मी महासंघ प्रदेश १ का अध्यक्ष अरुण कुमार प्रधानलाई चयन गरिएको छ । महासंघ उपाध्यक्ष प्रकाश सुब्बा र महासचिव दिनेश कोइराला पनि ईन्स्टिच्युटको सल्लाहकारका रुपमा चयन भएका छन् ।
कार्यक्रमलाई सम्बोधन गर्दै कार्यक्रमका प्रमुख अतिथि दीपकराज गिरीले कलाकारिता क्षेत्र संवेदनशिल क्षेत्र भएको बताउदै अध्ययन गर्न अत्यावस्यक रहेको बताए । उनले आफ्नो समयमा आफुहरुले परेर सिकेको तर, अहिले पढेर सिक्न सकेमात्रै प्रतिष्पर्धी बजारमा उत्रीन सकिने बताएका थिए । गिरीले डाक्टर,इन्जिनियर सरकारी जागिर लगायतका लागि निश्चित अध्ययन आवस्यक भएको तर कलाकार बन्नका लागि निश्चित अध्ययनले मात्र केही पनि हुन नसक्ने उल्लेख गरेका थिए ।
निर्देशक तथा कलाकार दीपाश्री निरौलाले आफ्नो समयमा चलचित्र अध्ययन गर्ने वातावरण नभएकै कारण आफ्नो ठाउँबाट पलायन हुनुपरेको उल्लेख गरेकी थिइन् । आफ्नै ठाउमा स्थापित ईन्स्टिच्युटको अध्यक्ष नियुक्त हुदा खुशी लागेको उनले बताएकी थिइन् । काठमाण्डौ केन्द्रित हुदै आएका फिल्म एकेडेमीहरुको पछिल्लो समय मोफसलमा पनि माग बढ्न थालेको छ ।
चलचित्र अध्ययनका लागि काठमाण्डौ धाउन नपरोस भन्ने उद्देश्यका साथ प्रदेश १ को केन्द्रको रुपमा स्थापित हुदै गएको इटहरीमा पुर्वान्चल ईन्स्टिच्युट अफ फिल्म एन्ड टेलिभिजन संचालन हुदै आएको छ ।
पुर्वान्चल ईन्स्टिच्युट अफ फिल्म एन्ड टेलिभिजनमा चलचित्र निर्माण, निर्देशन, कथा लेखन, छायांकन, अभिनय, सम्पादनका साथै नृत्यको कक्षा समेत संचालन हुदै आएको छ । ईन्स्टिच्युटमा अध्ययनरत बिध्यार्थीहरुको अवसरका लागि विभिन्न सर्ट मुभीहरु समेत निर्माण हुने गरेको संचालक रोनिश राउतले बताए ।
Discussion about this post