‘पूर्ण बहादुरको सारङ्गी’बाट चलचित्रमा डेब्यु गर्दै मोडल अलिशा

विशेष अनलाइन । सरोज पौडेल निर्देशित चलचित्र ‘पूर्ण बहादुरको सारङ्गी’मा मोडल अलिशा बास्तोलाले डेब्यु गर्ने भएकी छन् । दर्जनौँ म्युजिक भिडियो अभिनय गरेकी उनले यसै चलचित्र बाट डेब्यु गर्न लागेकी हुन् ।चलचित्रको दोस्रो चरणको छायांकन बिहीबारदेखि भक्तपुरको दुवाकोटबाट सुरु गरेको हो । गत जेठमा ओखलढुङ्गाको रुम्जाटारमा पहिलो चरणको छायांकन सकिएको हो । निर्माण युनिटले दोस्रो चरणको छायाँकनमा अलिशालाई प्रवेश गराएको हो ।

यस चलचित्रमा विजय बराल, प्रकाश सपूत, मुकुन भुसाल, अञ्जना बराइली, विनोद न्यौपाने, भोलाराज सापकोटा, बुद्धि तामाङ, माओत्से गुरुङ र देशभक्त खनाल लगायतका कलाकारहरुको अभिनय रहने भएको छ । बालकालकार जान्भि पौडेल र स्वायम् केसीको पनि यस चलचित्रमा अभिनय रहनेछ ।

सोसल–ड्रामा जनरामा बन्न लागेको चलचित्रले गन्धर्व परिवारको कथा विषयवस्तुलाइ उठन गरि बनाइएको छ । विनोद पौडेल र प्याट्रिक सुवेदीको लगानी रहेको चलचित्रमा कार्यकारी निर्माता रमेश चौलागाईं र हरि श्रेष्ठ रहेका छन् । चलचित्रमा महेश दवाडीको पटकथा तथा संवाद रहेको छ । चलचित्रलाई वि।सं।२०८२ सालभित्र प्रदर्शन गर्ने लक्ष्य राखिएको निर्माण युनिटले जनाएको छ ।