विशेष अनलाइन । विक्की महर्जनको निर्देशनमा बनेको चलचित्र आउटलः दफा २१९’ को टिजर सार्वजानिक भएको छ । आगामी असोजको ३ गतेदेखि रिलिजमा आउने यो चलचित्रमा अभिनेता सुशील श्रेष्ठको लागि विशेष बन्ने सार्वजनिक टिजरले देखिएको छ ।
टिजरमा सुशीलको एङ्ग्री एक्सन अवतारमा देखिएका छन् । विक्की महर्जनको लेखनमाबनेको यो चलचित्रमा सुशीलसहित नरेश पौडेल, शिक्षा संग्रौला, सुमन भण्डारी, हेम गुरुङ, सोनी लागुन, विशाल पहारी लगायतका कलाकारको अभिनय छ ।
अमित अग्रहरि निर्माता रहेको चलचित्रमा विनोद कठायत कार्यकारी निर्माता र विकास चौधरी सह–निर्माताको रूपमा छन् ।चलचित्रमा नविन गुरुङको डीओपी, चुल्ठे काजीको एक्सन निर्देशन, साहिल खानको सम्पादन छ ।
सार्वजनिक टिजरमा चलचित्रको कथावस्तुको सामान्य जानकारी मात्र दिन खोजिएको छ । संविधान दिवसको दिन रिलिज हुने यो चलचित्रले उठाएको कथावस्तु दर्शकका लागि पनि विशेष हुने निर्माणपक्षले बताउँदै आएको छ ।
Discussion about this post