विशेष अनलाइन। सञ्जोग राईको निर्देशनमा बनेको क्राइम-थ्रिलर चलचित्र ‘देवी’ले दुइ नया पोस्टर सर्वजानिक गरेको छ । चलचित्रले कलाकार नाजिर हुसेन र गौरव पहारीको पोस्टर सर्वजानिक गरेको हो । यस चलचित्रले यौन हिंसाविरुद्धको कथा प्रस्तुत गरेको निर्देशक राइको भनाइ छ । चलचित्रमा नाजिर हुसेन, गौरव पहारी र शिल्पा मास्के मुख्य भूमिकामा देखिएका छन्। शिल्पाले पछिल्लो समयका बलात्कार घटना र यौन हिंसाविरुद्ध महिलाले गर्ने संघर्षको कथा यसमा समेटिएको छ ।
‘देवी’ एक्जिबिट स्टुडियोको प्रस्तुतिमा बनेको चलचित्रले प्रदर्शनका लागि बाँसुरी फिल्म्ससँग सहकार्य गरेको छ । यस चलचित्र भदौ २१ मा नेपालसहित विश्वव्यापी रुपमा रिलिज हुने निर्माण टिमले बतएको छ ।निर्देशक राईले यसै चलचित्रबाट निर्देशनमा डेब्यु गरेका हुन् । आफूले व्यावसायिक भन्दा इमान्दार चलचित्र निर्माताको रुपमा यो चलचित्र बनाएको बताएका छन् ।
चलचित्रमा शिल्पाले पत्रकारको भूमिकामा अभिनय गरेकी छन् । गौरवले अपराध अनुसन्धानमा काम गर्ने प्रहरी र नाजिरले संस्था सञ्चालकको रोलमा अभिनय गरेका छन् ।चलचित्रमा अभिनेता टीका पहारीको पनि अभिनय रहेको छ ।
रेमन गुरुङ, नारायण राई र सञ्जोग राईको निर्माण रहेको चलचित्रका कार्यकारी निर्माता जावेद खान तथा सहनिर्माता उजेन नोर्वे गुरुङ र मिलन लामा हुन् । जोएल फ्रोमले छायांकन गरेको चलचित्रको पटकथामा निर्देशक राईलाई अजय गौतमले सघाएका छन् ।
Discussion about this post