बिशेष अनलाइन । कान्तिपुर टेलिभिजनबाट प्रशारण भईरहेको चर्चित हास्य टेलिचलचित्र हर्के हवल्दारका लागि छायांकन गर्दागर्दै चर्चित कलाकार रमेश केसीको निधन भएको छ । हास्य टेलिचलचित्र हर्के हवल्दारको छायांकनका क्रममा नै हास्यकलाकार केसीको निधन भएको हो ।
काठमाडौंको धर्मस्थलीमा हर्के हवल्दारको छायाँकन कै क्रममा एक्कासी ढलेपछि केसीलाई उपचारका लागि गंगालाल अस्पताल लगिएको थियो ।
अस्पताल ल्याउँदा ल्याउँदै केसीको निधन भएको अस्पतालले जानकारी दिएको छ । ‘सुटिङ्ग स्थलमा ‘टेक’ लिँदा लिदै केसी एक्कासी ढलेको र सुटिङ्ग युनिटले अस्पताल पु¥याउँदा अस्पतालले निधन भईसकेको जानकारी दिएको छायाँकन स्थलमा नै रहेका कलाकार पुष्प अवस्थीले बताएका छन् ।
कलाकार केसी करीव ५५ वर्ष देखि रङ्गमञ्च, रेडियो नाटक, टेलिचलचित्र, चलचित्रमा निरन्तर अभियन गर्दै आएका थिए ।
Discussion about this post