रातामकै सँग फन्नी कुरा

बिशेष अनलाइन । हास्यकलाकार किरण केसीलाई धेरैले रातामकै उपनामले चिन्ने गर्छन् । हास्य टेलिश्रिंखला जीरेखुर्सानी बाट रातामकै नामले चिनिएका कलाकार किरण केसीले केही सफल चलचित्र निर्माण गरेका छन् । उनले महसञ्चारसँगको सहकार्यमा चलचित्र निर्माण गर्दै आएका छन् । उनले नेपाली कलाकारिता क्षेत्रमा धनका साथै मनका धनी कलाकारको छबी बनाएका छन् ।

हास्यकलाकार केसीले निर्माण गरेका चलचित्रहरुमा आफ्नै अभिनय समेत रहने गरेको छ । उनले गाएका केही गितसंगीतले पनि नेपाली दर्शकको मन जितेको छ । उनै हास्यकलाकार किरण केसी उर्फ रातामकैसँग हामीले केही रमाइलो कुरा गरेका छौँ ।

घाम किन पश्चिम बाट नउदाएको होला ?
यो त प्रकृतीको नियम नै हो । अब हामी खाना खादा किन भान्सा मै खान्छौ त ट्वाइलेटमा खाँदा पनि हुन्छ नि हैन र ? बस किन गुड्छ ?प्लेन किन उड्छ ? यो सबैको आफ्नै आफ्नै विशेषता हुन्छ । प्रकृतीले घाम पूर्वबाट उदाउने नियम बनाए अब त्यसलाई चेन्ज गर्न त इन्द्रको बुबा चन्द्रले नि सक्दैन, की कसो ?

दालभात तरकारी रुखमै फल्न थाल्यो भने ?
कस्तो रमाइलो हुन्थ्यो होला हाम्रो हामीले निर्माण गरेको चलचित्र दालभात तरकारी सदावहार बन्ने थियो । अर्को कुरा दालभात तरकारी फल्ने रुखबिरुवाहरुमा मानिसहरुको तँछाड मछाड हुने थियो । सबैजना रुखबिरुवाको सम्रक्षण गर्न लाग्थे । प्राकृतिक रुपमा पनि नेपाल सुन्दर बन्दै जान्थ्यो होला ।

तपाईले एक हप्ताका लागि प्रधानमन्त्री बन्ने मौका पाउनु भयो भने ?
म एक हप्ताका लागि प्रधानमन्त्री बन्ने मौका पाएँ भने त्यहि मौका छोपेर कोरोना भाइरसका कारण थलिएको चलचित्र नगरीलाई उठाउन बजेट बिनियोजन गर्थेँ । नेपाली कलाकर्मीहरुलाई राहत उपलब्ध गराउने वातावरण मिलाउथेँ । अनि मैले बनाएका चलचित्रहरुलाई अनिवार्य रुपमा हेर्नैपनि नियम बनाइदिन्थेँ । (हाँसो)

आँखाबाट आँशुको साटो सुनको डल्ला खस्न थाले भने ?
नेपालमा भएका सबै गरीब दुखीहरु धनी हुन्थे होला । आवस्यक पर्यो कि बसेर रुन थालीहाल्थे होला । अनि सुन भन्दा फलाम महंगो हुन्थ्यो । किनभने सुनको महत्व हराई हाल्थ्यो । बाटो हिड्दा पनि लात्ताले हान्दै हिडिन्थ्यो होला । (हाँसो)

जागिरका निम्ति जाँदा त्यस अफिसको हाकीम तपाईको दुश्मन रहेछ भने ?
बुढेसकालमा के को जागिर खानु र आनन्दले घरमै बस्थेँ । अब खानै पर्ने भयो भने पनि कुनै न कुनै बहाना बनाएर फकाइन्थ्यो होला नी । अब आफूलाई परे पछि त केही न केही गर्नु परिहाल्यो नि ।

काठमाण्डौमा ट्राफिक पुलिस नहुने हो भने ?
राम राम राम ट्राफिक हुँदा त यो हालत छ झन नहुदा त के हुन्थ्यो होला ? सवारी साधनको प्रयोगमा कमी आउथ्यो । अब गाडी मै बानेश्वर बाट कोटेश्वर जानलाई ३ दिन अघि नै हिड्नु पथ्र्यो होला । तर ट्राफिक नभए उनीहरुको जिम्मेवारी अरु कसैले गरिरहेको हुन सक्थ्यो । जहाँ समस्या त्यहाँ उपाय भनिन्छ नि हैन र ?