बिशेष अनलाइन । बेलाबेला बिभिन्न कारणले बिवाद र चर्चामा आइरहने कार्यक्रम हो रजतपट । प्रकाश सुबेदीले सञ्चालन गर्दै आएको उक्त कार्यक्रम पुन बिवादमा तानिएको छ । गायक दुर्गेश थापा र मोडल गरिमा शर्माको गलत रिपोर्ट प्रशारण गरेपछि कार्यक्रम रजतपट र सञ्चालक सुबेदी पुन एकपटक बिवादमा तानिएका हुन् ।
गय राती मोडल गरिमा शर्मा रुदै टिकटकमा लाइभ आएर रजतपट बिरुद्ध कानुनी लडाँइ लड्ने बताएकी छन् । उनले रजतपटमा प्रसारण भएको रिपोर्ट गलत भएको भन्दै पटक पटक वास्तविक भिडियो आफ्ना शुभचिन्तकहरुलाई देखाएकी थिइन् । उनले आफु यो क्षेत्रमा अझै नयाँ भएको र न्याय नपाए आत्महत्याको बाटो अंगल्न बाध्य हुनसक्ने चेतावनी समेत दिएकी छन् ।
के हो घटना ?
पछिल्लो समय टिकटक नेपाली कलाकर्मीहरुका लागि निकै प्रिय बनेको छ । धेरैलाई टिकटकले नै चर्चामा ल्याएको छ र सेलिब्रेटी नै बनाएको छ । टिकटकबाट नै चर्चा कमाएकी मोडल हुन् गरिमा शर्मा । पछिल्लो समय उनी म्युजिक भिडियोहरुमा निकै व्यस्त रहने गर्छिन् भने केही चलचित्र निर्माता तथा निर्देशकहरुले पनि उनीसँग भेट गरिसकेका छन् ।
केही दिन अगाडीको कुरा हो, गायक दुर्गेश थापाको टिकटक लाइभमा मोडल गरिमा शर्मा जोडीन पुग्छन् । सोहीक्रममा दुर्गशले गरिमासँग टिकटक लाइभमै एउटा खेल खेल्ने र त्यो खेलमा हार व्येहोर गरिमाले सजाय पाउने बताउछन् । खेलका लागि गरिमा पनि तयार हुन्छिन् । त्यसपछि दुर्गेशले गरिमालाई आफ्नो पुर्वप्रेमीलाई रिसाएर गाली गर्नुपर्ने बताउछन् । गरिमाले अभिनय गर्ने हो ? भनेर प्रतिप्रश्न गर्छिन । उनले आफुसँग त्यसको अनुभव नभएको र रुनमात्र आउने बताउछिन् । तर, दुर्गेशले कुनैपनि समयमा पुर्व प्रेमी भेटियो भने तिमी के गर्छो भनेर प्रश्न गर्छन् ।
सुरुमा त गरिमाले नबोली मुन्टो फर्काउदै आफ्नै बाटो लाग्ने बताउछिन् । तर, पुन दुर्गेशले तिमीलाई मायाँ छ, बोल्न मन पनि छ, यो अवस्थामा के गर्छो ? मलाई नै तिम्रो पुर्वप्रेमी सम्झिएर भन भने पछि गरिमाले सहजताका लागि दुर्गेशलाई नै पुर्वप्रमी बनाउछिन् र अभिनय गर्छिन् । अभिनयकै क्रममा उनीहरु बिच कालपनिक रुपमा नै पुर्वप्रेमी प्रमिकाजस्तै भनाभन चल्छ ।
दर्शकलाई मनोरञ्जन दिने उद्देश्यले गरिएको उक्त अभिनयको सबै अंश हटाएर रंगपत्रकार प्रकाश सुबेदीले उनीहरुबिचमा भएको पुर्व प्रेमी पेमिकाको अभिनयको केही अंश राख्छन् र उनीहरु रियल पुर्व प्रेमी प्रमिका भएको र उनीहरुबिचको प्रेमसम्बन्ध टुटिसकेको भन्दै रजतपटमा रिपोर्ट प्रस्तुत गर्छन् । उक्त कुरामा सत्यता छैन भन्ने थाहा हुदा हुदै पनि आफुलाई चर्चामा ल्याउनकै लागि हुदै नभएको तुनमुना बुनेर कसैको चरित्र हत्या गर्नु अपराध हो । रजतपट जस्तो चर्चित कर्यक्रमले यस्तो हर्कत गर्नु कति जायज होला ?
Discussion about this post