बिशेष अनलाइन । बलिउड सुपरस्टार साहरुख खानका छोरा आर्यन खान २७ दिनपछि आफ्नो जेल मुक्त भएका छन् । मुम्बइको उच्च न्यायलयले आर्यनलाई जमानतमा रिहा गर्न आदेश दिएपछि उनी अन्तत घर फर्किएका छन् । मुम्बई क्रुज पार्टीमा सहभागी हुन जाँदै गर्दा आर्यनलाई एनसीबीका कर्मचारीले पक्राउ गरेका थिए ।
आर्यनलाई लिन साहरुखका बडिगार्ड रवि आर्थर रोड जेल भित्रै पुगेका थिए भने साहरुख खान जेल बाहिरको सडकमा कार भित्रै बसेका थिए । आर्यन जेलको मुख्य गेटबाट निस्किएर सिधै कारमा चढेका थिए ।
उच्च अदालतले आर्यनलाई रिहाई गरे पनि आर्यनले अदालतका विभिन्न शर्तहरु भने पुरा गर्नुपर्ने बताइएको छ । उनले १ लाख रुपैयाँ मुचुल्का भरेका छन् भने फेरि पनि ड्रग्सकै बिषयमा सहभागी नहुन अदालतले आदेश दिएको छ । यस्तै, आर्यनलाई आफूसँगै पक्राउ परेका अन्य २ साथीहरुको सम्पर्क भन्दा बाहिर रहनुपर्ने सर्त समेत राखिएको छ ।
आर्यनले आफ्नो पासपोर्ट स्पेशल कोेर्टमा वुझाउनुपर्नेछ । एनडीपीएसका विशेष न्यायधिसको अनुमती विना देश छाडेर बाहिर जाने पाउने छैनन् । मुम्बईबाट बाहिर जानका लागि पनि आर्यनले अधिकारीहरुलाई सूचना दिनुपर्नेछ ।
आर्यनले हरेक शुक्रबार ११ बजेदेखि २ बजेसम्ममा एनसीबीमा उपस्थिती जनाउनुपर्नेछ भने यस घटना सँग सम्बन्धित कुनै पनि बिषयमा मिडियामा कुरा गर्न नपायने बताइएको छ । ।
आर्यन जेल मुक्त अुदै गर्दा उनलाई अजारौँ फ्यानहरुले भव्य स्वागत पनि गरेका थिए । फ्यान र मिडियाको भिडलाई नियन्त्रण गर्न प्रहरी र साहरुखका वडिगार्डलाई पनि हम्मे हम्मे परेको थियो । मंगलबारदेखि मुम्बईको उच्च न्यायलयमा आर्यनका बिषयमा बहस भएको थियो । एएसजी अनिल सिंहले एनसीबीको तर्फबाट वकालत गरेका थिए भने मुकुल रोहतगीले आर्यनको पक्षमा बहस गरेका थिए । उनले, आर्यनको साथबाट ड्रग्स बरामद नभएको भन्दै उनलाई पक्राउ गर्नु गलत भएको बताएका थिए ।
Discussion about this post