बिशेष अनलाइन । गायिका पारु राईको ‘यो माया हैन र ?’ बोलको गीतको म्युजिक भिडियो सार्वजनिक भएको छ । स्वरमा पारुलाई गायक मनोज थापा मगरले साथ दिएका छन् । गायिका राइले नै लेखेको गितको संगीत पनि गायक मनोज थापा मगरले नै गरेका हुन् ।
लण्डनका बिभिन्न रमणिय स्थानहरुमा छायांकन गरिएको म्युजिक भिडियोमा गायिका पारु राई, मण्डल थेबे र बिपना गुरुङले अभिनय गरेका छन् । भिडियोको छायांकन कुशल श्रेष्ठ र सत्या मोक्तानले गरेका हुन् । भिडियोमा माया प्रेमलाई माध्यम बनाएर अपराधमा संलग्न व्यक्तिलाई जालमा पार्न सफल भएको कथा देखाइएको छ ।
समाजमा हुने गरेको घटनालाई नै केही फरक ढंगले म्युजिक भिडियोको माध्यमबाट प्रस्तुत गर्ने प्रयास गरिएको गायिका राईको भनाई छ । भिडियोको निर्देशन तथा सम्पादन कुशल श्रेष्ठले नै गरेका हुन् । गायिका राई लामो समय देखि लण्डनमा बसोवास गर्दै आएकी छन् । यस अघि लण्डनबाट नै सार्वजनिक गरएको ‘तिम्रो तृष्णा’ बोलको गीतलाई पनि दर्शकले रुचाएका थिए ।
Discussion about this post