बिशेष अनलाइन । नेपालमा बिभिन्न समयमा भएका प्राकृतिक प्रकोपहरुमा परी समस्यामा परेका नेपालीहरुलाई कलाकारहरुले साथ दिने गरेका छन् । कोरोना महामारीको समयमा होस वा बाढीपहिरोका कारण बिचल्ली बनेका नेपालीहरुलाई कलाकारहरुले आफुले सकेको सहयोग गरिरहेका छन् । यसैबिच निर्माता तथा कलाकार नरेन्द्र सेन्दाङले काठमाडौ बुद्धनगरमा बसोबास गर्दै आएका आर्थिक बिपन्न परिवारलाई राहत बितरण गरेका छन् ।
लामो समय देखि अमेरिका बस्दै आएका सेन्दाङले बुद्धनगरका आर्थिक २० बिपन्न परिवारलाई चामल,दाल, खाने तेल लगायतका खाद्य सामाग्री बितरण गरिएको हो । निर्माता तथा कलाकार सेन्दाङले अन्य बिभिन्न ठाँउहरुमा पनि आर्थिक सहयोग गर्दै आएका छन् । निर्माता सेन्दाङले निर्माण गरेको पहिलो चलचित्र बगर हो ।
चलचित्र बगरमा महानायक राजेश हमाल र बिपना थापाको मुख्य भुमिका रहेको छ । सेन्दाङले भेडिगोठ,फेक फ्रेन्ड, पायल लगायतका नेपाली चलचित्रहरुमा मुख्य कलाकारका रुपमा अभिनय गरेका छन् ।
Discussion about this post