विशेष अनलाइन । नेपाली फिल्म ‘मिसिङः केटी हराएको सूचना’ को दोस्रो टिजर सार्वजनिक भएको छ । टिजरमा फिल्मका मुख्य पात्रहरू नाजिर हुसेन र सृष्टि श्रेष्ठको प्रेमकथा देख्न सकिन्छ । पहिलो टिजरमा जस्तै दोस्रो टिजरले पनि प्रेम, द्वन्द्व र रहस्य फिल्ममा रहेको झल्काउँछ । टिजरको अन्त्यमा नाजिरलाई सृष्टिले अपहरण गरेको दृश्य छ ।
कात्तिक ३० गतेदेखि प्रदर्शनमा आउने यो फिल्म दीपेन्द्र गौचनले निर्देशन गरेका हुन् । दीपेन्द्रकै निर्माण रहेको फिल्ममा उनकै लेखन छ । नोहर दास मुल, अनिन राजभण्डारी, राजीव थापा, रोबिन थापा, राधेश पन्त, महेन्द्र शाक्य, ज्योतिमान शेरचन, चन्द्र भट्टचन, सञ्जय भट्टचन फिल्मका निर्माता हुन् ।
फिलममा संजय गुप्ता, रामनारायण ठाकुर, मदन ठाकुर, रीना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्णको अभिनय छ ।
Discussion about this post