इटहरी / धेरै अभिनेत्री हरुले एउटा चलचित्रमा अभिनय गरे बापत एक लाख, दुई लाख वा तिन लाख लिने गरेको कुरा सामान्य भइसकेको छ । तर एउटा म्युजिक भिडियो चर्चामा आउन नपाउदै आफ्नो परिश्रमिक लाख भन्दा माथि हो भन्नु कत्तिको जायज होला ? अभिनेत्री मलिका महतले एउटा भिडियोमा काम गरेको पारिश्रमिक १ लाख रुपैया तोकेकी छन् । हुन त तोक्न त जति पनि पाइयो तर एउटै म्युजिक भिडियोमा काम गरेको पारिश्रमिक एक लाख खर्च गर्ने सायद कम नै भेटिन्छ होला
चलचित्र यात्राबाट नेपाली चलचित्र नगरीमा प्रवेश गरेकी अभिनेत्री महतलाई यात्राले सोचे जस्तो साथ दिन सकेन । तर मिलन नेवारको स्वरमा रहेको फुलबुट्टे सारी बोलको गितबाट भने उनलाई राम्रै फाप्यो भन्दा फरक नपर्ला । उक्त गीतलाई मात्र दर्शकले मन पराएनन् अभिनेत्री महतको अभिनयको पनि चर्चा भयो ।
त्यस पछी पुन उनले र्उगेन दोङ र अस्मिता अधिकारीको स्वरमा रहेको टाढा भए पनि बोलको गितमा अभिनय गरिन् । उक्त गीतको भिडियोले पनि अभिनेत्री महतलाई राम्रो साथ दियो । जस्ले छोटो समय भित्रमा नै युट्यूवमा एक करोड माथी भ्यूज बटुल्न सफल भयो । यसरी हेर्दा अभिनेत्री महतलाई चलचित्र भन्दा म्युजिक भिडियो नै फापेको देखिन्छ ।
तर उनले दुइवटा भिडियो सफल भएकै आधारमा आफ्नो पारिश्रमिक बढाएर एक लाख पुर्याउन अलि हतार पो भयो की सोचनिय बिषय बनेको छ ।
Discussion about this post