बिशेष अनलाइन । बेला बेलामा चर्चा र बिवादमा आइरहने अभिनेत्री हुन् पुजा शर्मा । लोभ लाग्दो फ्यान फलोइङ कमाउन सफल अभिनेत्री शर्माको यतिबेला भने आलोचना भइरहेको छ । कुनै समय एक टेलिभिजन कार्यक्रममा सोधिएको एक प्रश्नमा जिल्ला नमिलाएको भन्दै मजाकको पात्र बनाइएको कुरा हाल पनि सामाजिक सञ्जालमा बेला बेलामा आइरहेको देखिन्छ । हुन त रंगकर्मी प्रकाश सुबेदी पनि यस्तै यस्तै फण्डाका कारण चर्चा र आलोचनाका पात्र बन्ने गरेका छन् ।
अभिनोत्री पुजा शर्माले रंगकर्मी प्रकाश सुबेदीलाई नै केन्द्रित गर्दै आज एक स्ट्याटस लेखेकी थिइन् । उनले रंगकर्मी प्रकाश सुबेदीलाई आफुलाई मन नपरेपछि आफ्नै कार्यक्रम मार्फत दर्शकको नजरबाट गिराउन, दर्शकको नजरमा नकारात्मक बनाउन लागि पर्ने गरेको कुरा उल्लेख गर्दै स्ट्याटस लेखेकी थिइन् ।
अक्सर नेपाली दर्शकबाट सकारात्मक टिप्पर्णी पाउने अभिनेत्री शर्माले लेखेको उक्त स्ट्याटसमा भने नाकारात्मक टिप्पर्णीहरु प्रशस्तै देखिन्थ्यो । बिशेषगरी महानायक बिवादको विषय उठिरहेका बेला उनले उक्त बिवादलाई टेवा पुग्ने स्ट्याटस अपडेट गरेपछि उनलाई नकारात्मक टिप्पणी आइरहेको थियो ।
एक पछि अर्को नकारात्मक टिप्पणी आउन थालेपछि अन्नत अभिनेत्री शर्मा आफैले लेखेको उक्त स्ट्याटस डिलिट गर्न बाध्य भइन् । स्ट्याटस अपडेट गरेको ३० मिनेट नहुदै उनले उक्त स्ट्याटस डिलिट गरेकी थिइन् ।
के लेखेकी थिइन् त अभिनेत्री शर्माले हेर्नुृहोस उनकै शब्दमा:
धेरैपछि नेपाली सिनेमा हलमा लागेको छ । यो बेला नेपाली सिनेमासँग सम्बन्धित सबैले साथ र सहयोग दिनुपर्नेमा एक दुई जना चलचित्र पत्रकार जो नेपाली चलचित्रको मसिहा नै आफू हो भन ठान्ने । आफुलाई मन नपरेको ब्यक्तिलाई आफ्नो प्रोग्राम मार्फत गिराउन, दर्शक सामु नकारात्मक छवि बनाउन लागी रहने ।
जुन क्षेत्रबाट आफ्नो कर्म चलिरहेको छ, त्यही क्षेत्रको लागी यौटा साधारण पेशागत धर्म ननिभाउने घमण्ड र दम्भले भरिएको यी एक दुई ब्यक्तिहरुलाइ नेपाली चलचित्र क्षेत्रको भाइरस भन्न मलाई एक रत्ति पनि संकोच लाग्दैन । आफ्नो प्रोग्राम भाइरल बनाउनका निम्ति जे जस्तो घटिया प्रपन्च रच्न पनि तयार हुनेलाई आफ्नै क्षेत्रको तुकविहिन बदनाम गरेर जहिले पुगिरहोस्, मेरो शुभकामना । मलाई चाहिँ बाँचुन्जेल यही क्षेत्रमा लागी रहने र यो क्षेत्रको उत्थानका लागी दुईटा ईंटा मात्रै भए पनि थप्न सक्ने हौसला, मिलिरहोस् भन्ने प्राथना गर्दछ, सबैको जय होस् ।’
नेपाली दर्शक पनि काहाँ लाटा छन् र ? उनले अपडेट गरेको स्ट्याटस डिलिट गर्नु भन्दा पहिलेनै स्कृनसर्ट गर्न भ्याइसकेका थिए । अभिनेत्री शर्माले स्ट्याटसमा लेखेको कुरा चित्त नबुझेर नकारात्मक टिका टिप्पणी गरेका नेपाली दर्शकले उनले स्ट्याटस डिलिट गरेपछि पुन हतारमा स्ट्याटस लेख्ने र आलोचना भएपछि हतार हतार हटाएको भन्दै उनको आलोचना गरिरहेका छन् ।
Discussion about this post