इटहरी / नेपाली चलचित्र नगरीकै महंगो कलाकारको छबी बनाएका अभिनेता अनमोल केसी को आज जन्मदीन परेको छ । आज बाट अभिनेता केसी २६ पुरा भएर २७ लागेका छन् ।अनमोलको २०५० साल चैत १७ गते बिहान ११ बजेर ३० मिनेटमा जन्म भएको थियो । केसी काठमाडौंको ओम नर्सिङ्गमा जन्मिएका थिए ।
सदाबहार अभिनेता भुवन केसी र अभिनेत्री सुष्मिता केसीको कोखबाट अनमोलको जन्म भएको हो । अनमोल भुवन र सुस्मिताको बिवाह पुर्व नै जन्मिएका थिए । विवाह भन्दा पहिला नै भुवन र सुस्मिता लिभिङ रिलेसन सिपमा बसेका थिए । अनमोल कोखमा आए पछी नै भुवन र सुस्मिताले बिवाह गरेका थिए ।
अनमोल ५ वर्षको हुँदा नै सुस्मिता र भुवनको डिभोर्स भएको थियो । ५ वर्षको उमेरबाट नै अनमोललाई भुवनले हुर्कएका हुन् । आमा सँग छुट्टै बसेको भए पनि अनमोल र सुस्मिताको सम्बन्ध भने सुमधुर नै रहेको छ । सुस्मिताले आफ्नो दोस्रो विवाह पुर्व अनमोलसँग नै सल्लाह गरेकी थिइन् । अनमोलले नेपाली चलचित्र ‘होस्टेल’ बाट नायकको रुपमा नेपाली चलचित्र नगरीमा डेब्यू गरेका हुन् ।
उनको पहिलो चलचित्रलाई नै दर्शकले रुचाएका थिए । उनले अभिनय गरेका कुनै पनि चलचित्रहरुले असफलताको ट्याग भिर्न परेको छैन । हेस्टेल पछि अभिनेता केसीले ‘जेरी, गाजलु, ड्रिम्स, कृ, ए मेरो हजुर ३ र क्याप्टेन’ मा काम गरिसकेका छन् । ।
यतिबेला उनी झरना थापा निर्देशित चलचित्र ‘ए मेरो हजुर ४’ को छायांकनमा व्यस्त रहेका छन् । ‘ए मेरो हजुर ४’ पछी होम प्रोडक्सनको व्यानरमा निर्माण हुन लागेको चलचित्र ‘पारस’ मा काम गर्ने उनको तयारी छ ।
निर्देशक मुकुन्द भट्टले नयाँ चलचित्रका लागि ७५ लाख रुपैयाँ अफर गरेको कुराले पनि यतिबेला अनमोल चर्चामा रहेका छन् ।
Discussion about this post