विशेष अनलाइन । सिनेमा पाठशालाको ब्यानरमा ‘कंगाल करोडपति’ नामक नयाँ चलचित्र निर्माण हुने भएको छ। बिहीबार राजधानीमा एक औपचारिक कार्यक्रमका बिच यो चलचित्र निर्माणको घोषणा गरिएको हो। यो लामो समयदेखि चलचित्र क्षेत्रमा सक्रिय रहेका राजु श्रेष्ठले यस चलचित्र मार्फत निर्देशनमा डेब्यु गर्दैछन्। उनी नै यस चलचित्रका निर्माता पनि हुन्।
चलचित्रको कथा, पटकथा र संवाद सुमन गजमेर ले लेखेका हुन्, जसले कथामा धनी र गरिब बीचको अवस्थाको उतारचढावलाई रोचक रूपमा प्रस्तुत गर्ने बताइएको छ। चलचित्रमा मुख्य कलाकारको रूपमा उमर खान र पदम लोहोर रहनेछन्। चलचित्रको निर्मातामा कैफ खान रहेका छन् भने मनोज केसी कार्यकारी निर्माताको भूमिकामा रहनेछन्। निर्माण टिमले जनाए अनुसार चलचित्रका अन्य कलाकारहरूको छनोट प्रक्रिया भने जारी रहेको छ।
चलचित्र ‘कंगाल करोडपति’ को छायांकन आगामी फागुन महिना बाट सुरु गर्ने तयारी निर्माण टिमले गरेको छ। राजु श्रेष्ठले निर्देशनमा पाइला टेक्दै गरेको यो चलचित्रले नेपाली दर्शकहरूमा कस्तो छाप पार्छ, त्यो हेर्न बाँकी नै छ। कमेडी र सामाजिक विषयवस्तुको मिश्रण रहने अनुमान गरिएको यो चलचित्रलाई लिएर निर्माण पक्ष निकै उत्साहित रहेका छन् ।
Discussion about this post