विशेष अनलाइन। दशैंको फूलपातीको अवसर पारेर प्रदर्शनमा आउन लागेको नेपाली चलचित्र ‘बलिदान’ ले चार प्रमुख पात्रहरूको पोस्टर सार्वजनिक गरेको छ। सार्वजनिक पोस्टरमा अभिनेता अर्पण थापा, अभिनेत्री ऋचा शर्मा, अभिनेता हेमन्त बुढाथोकी र निर्देशक तथा कलाकार सन्तोष सेन प्रस्तुत छन्। निर्देशक सेनले पोस्टरबारे प्रतिक्रिया दिँदै यी तस्वीरहरू केवल दृश्य नभई समाजका कुनाकाप्चामा लुकेका आवाज भएको बताएका छन्।
खलनायकको भूमिकामा ख्याति कमाएका अनुभवी अभिनेता हेमन्त बुढाथोकीको उपस्थितिले कथा नै हल्लाउने क्षमता राख्ने निर्देशक सेनको भनाइ छ। यसअघि अभिनेता समीर भट्ट र कविता रायका क्यारेक्टर पोस्टरहरू सार्वजनिक भइसकेका छन् भने अभिनेता सौगात मल्लको लुक्स उनको जन्मदिनको अवसरमा सार्वजनिक गरिएको थियो।
चलचित्रको प्रचारलाई नयाँ ढंगले अघि बढाउँदै निर्माण टिमले ‘बलिदान ब्यानर’ अभियान सञ्चालन गरेको छ, जसअन्तर्गत देशभर ठूला साइजका पोस्टरहरू राखिएको छ। आसुसेन फिल्म्स प्रा.लि.को ब्यानरमा तयार भएको फिल्मका निर्माता पवन ब्राडफोर्ड बिष्ट र कार्यकारी निर्माता प्रेम पुरी हुन्।
Discussion about this post