इटहरी / नेपाली चलचित्र नगरीकी अभिनेत्री शिल्पा पोखरेलले अभिनय गरेको भोजपुरी चलचित्र ‘प्रेमगीत २’को ट्रेलर सार्वजनिक भएको छ ।
भोजपुरी चलचित्र ‘प्रेमगीत २’ को ट्रेलरमा अभिनेत्री शिल्पा भोजपुरी अभिनेता प्रदिप पाण्डेको साथमा निकै रोमान्टिक मुडमा देखिएकी छिन् ।
नेपाली चलचित्रमा सोचेअनुरुप सफल हुन नसके पछि अभिनेत्री पोखरेल पछिल्लो समय भोजपुरी चलचित्रमा आकर्षित हुन थालेकी छिन् । उनले यसअघि पनि भोजपुरी चलचित्र ‘जय शम्भु’मा काम गरिसकेकी छिन् ।
चलचित्र ‘प्रेमगीत २’को ट्रेलरमा अभिनेत्री शिल्पा र भोजपुरी अभिनेता प्रदिप विचको प्रेमलाई प्रस्तुत गरिएको छ । यो चलचित्रलाई सोनु खत्रीले निर्देशन गरेका हुन् ।
नेपाली चलचित्र क्षेत्रका धेरै कलाकारहरुले भोजपुरी चलचित्रमा काम गरिसकेका छन् । अभिनेत निखिल उप्रेती, अभिनेत्री निता ढुंगाना लगायत कलाकारहरुले भोजपुरी चलचित्र नगरीमा आफुलाई चिनाएका छन् भने अभिनेता विराज भट्टले त भोजपुरी चलचित्र नगरीमा आफुलाई स्थापित गर्न सफल भैसकेका छन् ।
अब नेपाली चलचित्र नगरीमा खास सफलता हात पार्न नसकेकी अभिनेत्री शिल्पा भोजपुरी चलचित्रमा कति सफल हुन्छिन त्यो भने समयले बताउने छ । https://youtu.be/LFM1Eb26uMw
Discussion about this post