विशेष अनलाइन । गायक, संगीतकार तथा अभिनेता प्रकाश सपूतको निर्देशनमा बनेको चलचित्र ‘वसन्त’ को ट्रेलर सार्वजनिक भएको छ। शनिबार काठमाडौंमा आयोजित एक विशेष कार्यक्रममार्फत सार्वजनिक गरिएको चार मिनेट लामो ट्रेलरले जातीय विभेदविरुद्धको कथा प्रस्तुत गरेको छ।
चलचित्रको कथा ०६२६३ सालको जनआन्दोलनको कथाबस्तु उठाइएको छ। ट्रेलरमा जातीय विभेद, प्रेममा आउने अवरोध, र पात्रहरूको संघर्षलाई देखाइएको छ। वसन्त (प्रकाश सपूत) र शान्ति (स्वस्तिमा खड्का) प्रेममा हुन्छन्, तर जात नमिलेकाले उनीहरूको सम्बन्धमा समस्या आउँछ। शान्ति जात व्यवस्थाविरुद्ध लडिरहेको दृश्य ट्रेलरमा प्रस्ट देख्न सकिन्छ।
प्रकाश सपूतले ट्रेलर सार्वजनिक गर्दै ‘#सबै_बराबर’ अभियान सुरु गरे, जसले जातीय विभेद हटाउने सन्देश दिन्छ। सोही अवसरमा आयोजित ‘वसन्त साँझ’ सांगीतिक कार्यक्रममा प्रकाश सपूत, शान्तिश्री परियार, प्रिती आले, देवेन्द्र बब्लु (फिरन्ते) लगायतका कलाकारले गीत प्रस्तुत गरे।
चलचित्र चैत २२ गते बाट प्रदर्शनमा आउने भएछ। चलचित्रमा प्रकाश सपूत, स्वस्तिमा खड्का, प्रभात पल ठकुरी, श्री शिभान्सी, उर्मिला लाम्गादे, खड्क बहादुर पुन (खबपु), अनुप बराल, कमलमणी नेपाल, प्रकाश घिमिरे लगायत कलाकारहरुको अभिनय रहेको छ। चलचित्रको कथा र संगीत प्रकाश सपूतले लेखेका हुन् भने मोहन विश्वकर्मा र बिन्दू बोहोरा (सपूत) निर्माता रहेका छन्। चलचित्रको छायांकन सुसन प्रजापतिले गरेका छन्।
Discussion about this post