दुर्गम पहाडी भेगका भरियाहरूको जीवनसंघर्षको कथा प्रस्तुत गरेको चलचित्र ‘नाम्लो’को ट्रेलर सार्वजनिक

विशेष अनलाइन । नेपाली कथानक चलचित्र ‘नाम्लो’को ट्रेलर सार्वजनिक गरिएको छ। शुक्रबार धरानको श्रम चौतारी, श्रम संस्कृति पार्कमा आयोजित विशेष कार्यक्रममा नै ट्रेलर, सार्वजनिक गरिएको भए पनि यूट्युवमा भने २६ गते सोमवार मात्रै सार्वजनिक गरिएको हो । केही प्राविधिक काम बाकी रहेका कारण यूट्युव सार्वजनिकमा समय लागेको चलचित्रका प्रस्तुतर्कता तथा कलाकार पुर्ण लिम्बुले जानकारी दिए ।

चलचित्रको १ मिनेट २७ सेकेन्ड लामो सार्वजनिक ट्रेलरमा दुर्गम पहाडी भेगका भरियाहरूको जीवनसंघर्ष तथा पीडा प्रस्तुत गरिएको छ । चलचित्र ‘नाम्लो’का प्रस्तुतर्कता पुर्ण लिम्बु हुन् । लिम्बुका अनुसार चलचित्र ‘नाम्लो’ बाट उठेको रकम चलचित्रको छायांकनस्थल चैनपुरको खाम्लिङ जस्ता बिकट क्षेत्रको शिक्षा,स्वस्थ्य तथा खानेपानी लगायत क्षेत्रमा लगानी गरिने छ ।

हेमन तामाङको डेब्यु निर्देशनमा बनेको चलचित्रमा कलाकार पूर्ण लिम्बु, शान्ती पाख्रिन, मदन बहादुुर राई, सुवास तामाङ, स्मृति गुरुङ,बिमला राई, होम नारायण सापकोटा,प्रेम सन्जय लिम्वु, रमेश कट्वाल लगायतका कलाकारहरुको भुमिका रहेको छ । चलचित्रको कथा तथा पटकथा लाखमान योञ्जन तामाङले लेखेका छन्। सुमन तामाङको छायांकन रहेको चलचित्रको सम्पादन पनि निर्देशक हेमन तामाङले गरेका हुन् ।

चलचित्रको पोस्ट प्रोडक्सन कोशी भिजन फिल्म्स प्रा. लि., इटहरी सुनसरी द्वारा गरिएको हो। चलचित्रको ठ्रेलरलाई दर्शकहरूले सकारात्मक प्रतिक्रिया दिएका छन्, जसले चलचित्रको प्रतीक्षा अझ रोचक बनाएको छ।