विशेष अनलाइन । फागुन १४ गते बाट सार्वजानिक प्रदर्शनमा आउने चलचित्र लाज शरणम् को सेन्सर पास भएको छ । केन्द्रीय चलचित्र जाँच समितिले उक्त चलचित्रको सेन्सर पास गरेको हो । चलचित्र (निर्माण, प्रदर्शन तथा वितरण) ऐन २०२६ को दफा ८ बमोजिम नेपालभर प्रदर्शनका लागि स्वीकृति प्रदान गरिएको समितिले जारी गरेको प्रमाणपत्रमा उल्लेख छ ।
यसअघि संचार तथा सूचना प्रविधि मन्त्रालयमा कानून विभाग हेर्ने अधिकारीसहित उपस्थित बैठकमा चलचित्रको जाँच गरिएको थियो । चलचित्रको विषयवस्तु सामान्य नै भएको पाइएसँगै पास गरिएको बताइएको छ ।
पूर्वमन्त्री अफताव आलमले आफूजस्तो देखिने चरित्र चित्रण गरेको भन्दै चलचित्र विरुद्ध पाटन उच्च अदालतमा निषेधाज्ञाको रिट दायर गरेका थिए । आलमको रिटमा सुनुवाइ गर्दै अदालतले सेन्सरअघि चलचित्रको प्रचारप्रसार नगर्न र नगराउन आदेश दिएको थियो ।
Discussion about this post