विशेष अनलाइन। बिन्दबासिनी क्रियसनको ब्यानरमा बनेको चलचित्र ‘फिरफिरे फिरिरी’को शीर्ष गीत सार्वजनिक गरिएको छ । चलचित्रको गीतमा प्रशान्त सिवाकोटीको शब्द तथा सङ्गीत रहेको छ । गितमा भरत अधिकारी, प्रशान्त सिवाकोटी, टिकाराम श्रेष्ठ र रोषा फुयाँलको स्वर रहेको छ। सार्वजनिक गीतमा चलचित्रका मुख्य कलाकार मनोज कुमार अधिकारी, सन्दीप श्रेष्ठ, भावना उप्रेती फिचर्ड रहेका छन् ।
हरर कमेडी जनरामा बनेको चलचित्रलाइ मनोज कुमार अधिकारीले निर्माण गरेका हुन् । सन्दीप श्रेष्ठ र नवीन भट्टको लेखन रहेको चलचित्रबाट सन्दीप श्रेष्ठ र भावना उप्रेतीले नेपाली रजतपटमा डेब्यु गर्दैछन् । चलचित्रमा मनोज, सन्दीप, भावनाको सहित शंकर सेढाई, पिटर प्रिन्स, रबिना केसी,पुष्प अवस्थी, सूर्यमान लिम्बु लगायतका कलाकारहरुको अभिनय रहेको छ ।
चलचित्रलाइ जितु तामाङले छायाङ्कन गरेका छन् । रोशन दास, प्रकाश दाहाल र अग्नि सुवेदीको सहायक निर्देशन रहेको छ । केशव राज भट्टको कोरियोग्राफी, प्रशान्त सिवाकोटीको सङ्गीत, अनन्त घिमिरेको सम्पादन रहेको चलचित्रलाइ देशभर आर।आर फिल्मसले वितरण गर्दैछ । चलचित्र कार्तिक २२ गते छठ पर्वको दिनबाट प्रदर्शनमा आउनेछ ।
Discussion about this post