विशेष अनलाइन । ऋषिराज आचार्यले निर्देशन गरेको चलचित्र द्रौपदीको फष्टलुक सार्वजनिक गरिएको छ । घटस्थापनाको दिनको अवसर पारेर चलचित्रको फष्टलुक पोष्टर सार्वजनिक गरिएको हो । पोस्टरमा हिमाली भेगको गाउँमा एक युवतीले पानीको घैटो कम्मरमा बोकेको देख्न सकिन्छ ।
अन्तर्राष्ट्रिय बजारलाई समेत मध्यनजर गरि निर्माण भएको चलचित्रमा ऋषिराज आचार्य, आश्विनी शाही, रवि ओड, कविराज भाम, जेल्सन अधिकारी, सुजाता तिमल्सिना, बिस्णु ठडराई (सुबास), प्रकाश ज्ञवाली, सीता बौडेल, सुरज अधिकारी लगायतका काकारहरुको अभिनय रहेको छ ।
निर्देशक आचार्य र प्रकाश ज्ञवालीले मिलेर निर्माण गरेको चलचित्रमा कथा, पटकथा, सम्वाद र गीत समेत निर्देशन आचार्यको छ । चलचित्रबाट आस्विनी शाही, जेल्सन अधिकारी, सुजाता तिमल्सिनाले अभिनय डेब्यु गर्दैछन् । रवि ओडको संगीत रहेको चलचित्रमा मोहनकुमार झिल्लुले छायाङ्कन गरेका हुन् ।
चलचित्रको प्रदर्शन मिति घोषणा हुन बाँकी छ ।
Discussion about this post