विशेष अनलाइन । सलोन बस्नेत प्रस्तुतकर्ता रहने चलचित्र ‘रंगी’ को शुभ साइत गरिएको छ । घटस्थापनाको अवसर पारेर बिहीबार राजधानीको कमलादीस्थित गणेशस्थान मन्दिरमा स्क्रिप्ट पूजा गर्दै फिल्मको शुभ साइत गरिएको हो । स्क्रिप्ट पूजामा सलोन बस्नेत, नम्रता श्रेष्ठ, निर्देशक सुरेश लगायतको उपस्थिति थियो ।
चलचित्रमा सलोन बस्नेत, नम्रता श्रेष्ठ, दिलीप रायमाझी, आरुषी कार्की, विशाल पहारी र सुमिन गुरुङको अभिनय रहनेछ । चलचित्र बाबु छोरीको कथामा निर्माण हुन लागेको हो ।चलचित्रको छायाङ्कन आगामी कार्तिक ५ गतेबाट सुरु हुनेछ ।
सलोन सलिना फिल्मस् प्रालिको ब्यानरमा निर्माण हुने चलचित्र सुरेश न्यौपानेले निर्देशन गर्न लागेका हुन् । सक्षम सुवेदीको निर्माण रहने चलचित्रमा सुमन गजमेरको लेखन, आमेश भण्डारी र भीम बिसीको संगीत रहेको छ. चलचित्रमा सौरभ लामाको छायाङ्कन दुर्गेश थापा, रामजी लामिछाने र शिशिर खातीको कोरियोग्राफी रहनेछ ।
Discussion about this post