विशेष अनलाइन । निर्देशक यादवकुमार भट्टराईको निर्देशन रहेको चलचित्र ‘झिल्को : द स्पार्क’ को पहिलो पोस्टर सार्वजानिक भएको छ । शुक्रबार चलचित्रको पहिलो पहिलो पोस्टर सार्वजनिक गर्दै निर्देशक भट्टराईले आगामी पुस ५ गते बाट चलचित्र प्रदर्शनमा ल्याउने जानकारी दिएका छन् ।
सार्वजानिक पोस्टरमा सुनिल पोखरेल, वर्षा शिवाकोटी, भोलाराज सापकोटा, विशाल पोखरेल र आयुषी ढकाल देखिएका छन् ।चलचित्र ‘झोला’ र ‘भोर’ पछि निर्देशक भट्टराई को ‘झिल्को : द स्पार्क’ तेस्रो चलचित्र हो ।
निर्देशक भट्टराईले भने– ‘झिल्को’ को कथा आजको हो ।’ आजको समाज डिजिटल समाजका रुपमा निर्माण भैसकेको छ । डिजिटल युगमा प्रवेश गरिरहेका र बाँचिरहेका हामीहरूले के विवेकपूर्ण व्यवहार गरेका छौँ? भन्ने प्रश्न चलचित्रले गर्ने उनले बताए ।
चलचित्रमा सुनिल पोखरेल, वर्षा शिवाकोटी, भोलाराज सापकोटा, विशाल पोखरेल, पवन मैनाली र आयुषी ढकाल लगायत कलाकारहरुको अभिनय रहेको छ । रङ्गकर्मी सुनिलले १३ वर्षपछि यसै चलचित्रमार्फत अभिनयमा कमब्याक गरेका हुन् ।
झिल्को’ को पटकथा तथा संवाद निर्देशक भट्टराई सहीत अरुणदेव जोशी र देवव्रतले तयार पारेका हुन् । चलचित्रमा दीपक बज्राचार्यको छायाङ्कन तथा चण्डीप्रसाद काफ्ले दीपक शर्माको सङ्गीत रहेको छ । निमेश श्रेष्ठले सम्पादन गरेको चलचित्रका निर्माता सुशीला आचार्य र रामगोपाल थापा हुन् । चलचित्रका कार्यकारी निर्माता उमेश पौडेल रहेका छन् ।
जनता प्रसारण तथा प्रकाशन प्रालिको निर्माण सहयोग रहेको चलचित्रको नेपाल वितरक डीएसएन नेपाल र अमेरिका तथा क्यानडा वितरकको जिम्मा इपिक इन्टरटेन्मेन्टले लिएको छ ।
Discussion about this post