विशेष अनलाइन । सिद्धार्थ पुडासैनीको पटकथा तथा निर्देशन रहेको चलचित्र ‘सानो संसार’ को प्रिमियर गरिएको छ । बुधबार साँझ कमलपोखरीस्थित बिग मुभिजमा चलचित्रको प्रिमियर गरिएको हो । प्रिमियरमा कलाकर्मी र रंगपत्रकारको बोक्लो उपस्थिति रहेको थियो ।
प्रिमिएरमा चलचित्रले सकारात्मक प्रतिक्रिया पाएको छ । मध्यवर्गीय परिवारको वास्तविकता चित्रण गरिएको परिवारिक चलचित्र भएको र सबैले हेर्नुपर्ने सुझाव प्रिमिएरमा दिइएको थियो । चलचित्रमा हास्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाको शीर्ष भूमिका रहेको छ ।
शुक्रबार (असोज ११ गते) देखि सार्वजनिक प्रदर्शनमा आउने चलचित्रमा सीतादेवी सँगै राजपंगेनी शर्मा, अनु दाहाल, अञ्जसा रिजाल, शिशिर शिवाकोटी, सरिता भण्डारी र जीवन गौतम लगायत कलाकारहरुको अभिनय रहेको छ । चलचित्रको निर्माता अर्जुन कुमार हुन् ।
Discussion about this post