‘जेरी अनटप’मा भित्रीन् अभिनेत्री सुरक्षा

बिशेष अनलाइन। सुयोग गुरुङले निर्देशन गर्ने चलचित्र ‘जेरी अनटप’मा अभिनेत्री सुरक्षा पन्त भित्रीएकि छिन्। निर्माता सरोज न्यौपाने सग अभिनेत्री पन्तले लिखित सम्झौता गर्दै चलचित्रको मुख्य भुमिकामा रहनेगरि भित्रीएकि हुन् ।

यसअघि यो चलचित्रमा आँचल शर्मा र जसिता गुरुङ पनि अनुबन्धित भइसकेका छन् । ‘चलचित्रमा उहाँको महत्वपूर्ण भूमिका छ’ न्यौपानेले भने, ‘सरप्राइज तुल्याउने हिसाबले अन्य कलाकार पनि जोडिंदै हुनुहुन्छ ।’

आगामी सातादेखि छायांकन सुरु हुने चलचित्रमा अनमोल केसीको शीर्ष भूमिका छ । लगातारको कास्टिङ हेर्दा चलचित्र ‘मल्टिस्टारर’ हुने देखिन्छ । त्रिकोणात्मक प्रेमकथामा बन्न लागेको चलचित्रको छायांकन काठमाडौं र भारतको लद्दाखमा हुनेछ ।

यतिबेला चलचित्रको कार्यशाला चलिरहेको छ। ‘फर्की फर्की’पछि अनमोल र जसिताको यो सहकार्य हुन लागेको हो । आँचल र सुरक्षाले पहिलोपटक अनमोलसँग चलचित्रमा काम गर्न लागेका हुन् ।

निर्माता न्यौपानेले नेपाली चलचित्रमा अहिलेसम्म नसुनिएको कथा र परिवेशमा फिल्म निर्माण हुन लागेको बताए । चलचित्रको कथा हेमराज बिसीको हो । चलचित्रको पटकथामा चर्चित कन्टेन्ट क्रिएटर साइग्रेस पोखरेल पनि जोडिएका छन् ।