चलचित्र ‘पूर्ण बहादुरको सारङ्गी’को काँधेकुरी’ बोलको पहिलो गीत सार्वजनिक

विशेष अनलाइन । सरोज पौडेलको कथा तथा निर्देशनमा बनेको चलचित्र ‘पूर्ण बहादुरको सारङ्गी’को पहिलो गीत सार्वजनिक गरिएको छ । आइतबार चलचित्रको ‘काँधेकुरी’ बोलको गित युट्युब मार्फत सार्वजानिक गरिएको हो ।

चलचित्रको प्रशान्त शिवाकोटीको शब्द रचना, संगीत तथा पार्श्व गायन रहेको छ । हेमन्त कान्छा रसाइलीको सारङ्गी वादन रहेको छ । सार्वजनिक गीतमा चलचित्रका मुख्य कलाकार बिजय बराल, प्रकाश सपुत र बालकलाकार स्वंयम केसी फिचर्ड रहेका छन् ।एक बाबुले छोराको प्रगतिका लागि गरेको दुःख, मिहिनेत र सपना गीतले बोलेको छ ।

चलचित्रमा विजय र प्रकाशसँगै मुकुन भुसाल, अञ्जना बराइली, माओत्से गुरुङ, विनोद न्यौपाने, शंकर आचार्य, बुद्धि तामाङ, देशभक्त खनाल, भोलाराज सापकोटा, अलिसा बास्तोला, श्याम केसी, सरिता शाह, जानवी पौडेल लगायतका कलाकारहरुको अभिनय रहेको छ ।

चलचित्रको निर्माता विनोद पौडेल र प्रतीक सुवेदी हुन् । चलचित्रका कार्यकारी निर्माता रमेश चौलागाई, हरि श्रेष्ठ र रमेश ढकाल रहेका छन् । चलचित्रको पटकथा तथा संवाद महेश दवाडीले लेखेका हुन् । चलचित्रलाइ सुरेन्द्र पौडेलले सम्पादन गरेका हुन् । सेभेन सिज इन्टरटेनमेन्टको ब्यानरमा भनेको चलचित्रले बाँसुरी फिल्मस्सँग प्रदर्शनका लागि सहकार्य गरेको छ ।