विशेष अनलाइन । शाइ प्रोडक्सन नेपालको ब्यानरमा निर्माण हुने चलचित्र ‘एक्लो’ मा सञ्चारकर्मी तथा अभिनेताद्वय दिनेश डीसी र सुरजसिंह ठकुरी अनुबन्ध भएका छन् । निर्माण टिमले डीसी र ठकुरीसग औपचारिक कागजी सम्झौता गरेको छ ।
भदौको दोस्रो हप्ताबाट छायाङ्कनमा जाने तयारीमा रहेको निर्माण टिमले बताएको छ। प्रदीप शाहीले निर्देशन गर्न लागेको चलचित्रमा अभिनेता प्रदीप खड्का, विजय लामा, सुनिल थापा, एवनराज उप्रेती, अभिनेत्री बेनिशा हमाल, कविता नेपाली, दीया पुन, बेलायती अभिनेता जेमी बेकन लगायतका कलकार अनुबन्धित भइसकेका छन्। नेपाली चलचित्रलाई अन्तर्राष्ट्रिय बजारमा पुर्याउने उद्देश्यका साथ ‘एक्लो’ निर्माण गर्न लागिएको निर्माण टिम ले बताएको छ ।
चलचित्र ‘एक्लो’ मा ह्याम्साएर एकाउन्टेनको सहकार्य रहने छ। हाल सेट निर्माणको काम र प्री प्रोडक्सनको भइरहेको कार्यकारी निर्माता क्षितिज सुवेदी खत्रीले बताए।
Discussion about this post