‘घरज्वाइँ’को दोस्रो गीत ‘यानीमाया’:दायाहाङको पिडामा देखिएको मिरुनाको प्रेम

विशेष अनलाइन । चलचित्र ‘घरज्वाइँ’को दोस्रो गीत ‘यानीमाया’ सार्वजनिक गरिएको छ । सार्वजनिक गीतमा चलचित्रका मुख्य कलाकार दयाहाङ राई र मिरुना मगरलाई फिचर्ड गरिएको छ । मनोज थापा मगरको संगीत तथा स्वर रहेको गीतको रचना हर्क साउदले गरेका हुन् । गीतमा पनि ट्रेलरमा जस्ते घरज्वाईले भोग्नु परेको पिडासँगै प्रेमभाव प्रस्तुत गरिएको छ ।

अनिल बुढा मगरको डेब्यू निर्देशन रहेको चलचित्रमा दयाहाङ राई, मिरुना मगर, बुद्धि तामाङ, पुष्कर गुरुङ, शिशिर वाङ्देल, भोलाराज सापकोटा, खड्कबहादुर पुन ९खबपु०, राज थापा, कविता आले, शिला आले, अनु थापा, बिना थापा मगर, सोनाम लामा, विवेश बुढा मगर, सुनिल मगरको अभिनय छ ।

चलचित्र असार २८ गतेबाट अल नेपाल प्रदर्शनको तयारीमा छ । जिएम मुभिज र एबीएम सिनेमा प्रोडक्सनको ब्यानरमा निर्माण भएको चलचित्रलाई सुसन प्रजापतिले खिचेका हुन् । चलचित्रको कथा भने निर्देशक अनिल बुढा मगरले नै लेखेका हुन् । जनक घर्ती मगर चलचित्रका निर्माता हुन् । चलचित्रको सम्पादन भने कृष्ण भन्डारीले गरेका हुन् ।