विशेष अनलाइन । चलचित्र पत्रकार संघ मोरङ अध्यक्ष प्रेम देवानलाई सम्मान गरिएको छ । विराटनगरमा तामाङ रितिरिवाज तथा संस्कृतिमा आधारित चलचित्र ‘चारदाम’को ‘विशेष शो’को अवसरमा अध्यक्ष देवानलाई सम्मान गरिएको हो । लामो समयदेखी विराटनगरमा रहेर चलचित्र पत्रकारिताको माध्यमबाट चलचित्र नगरीमा पुर्याएको योगदानको कदर गर्दै देवानलाई सम्मान गरिएको हो ।
नेपाल तामाङ घेदुङ महानगर समिति विराटनगरको समन्वयमा शनिबार विराटनगको सिटी सिनेमा हलमा चलचित्र ‘चारदाम’को प्रिमियर शो गरिएको थियो ।
कार्यक्रममा पत्रकार देवान सहित कृष्ण भुषणवल प्रतिष्ठानका संरक्षक शोभा लामा वल, नेपाल तामाङ घेदुङ कोशी प्रदेश सदस्य गोवीन्द तामाङ, नेपाल तामाङ घेदुङ महानगर अध्यक्ष विष्णु कुमारी तामाङ, सस्थापक अध्यक्ष कृष्ण मोक्तान, सल्लाहकार दाव ब। घिसिङ, महानगर सचिव विजय तामाङ, कोषाध्यक्ष राम कुमार योञ्जनलाई पनि कदर पत्र र दोसल्ला ओढाएर सम्मान गरिएको थियो ।
सिटी सिनेमाको दुईवटै हल बुक गरेर विराटनगरमा रहेका विभिन्न जातिय संस्थाका अगुवा तथा पदाधिकारीलाई निमान्त्रणा दिइ चलचित्र देखाइएको थियो । यस अघि चलचित्रको इटहरी,धरान, चकरघट्टी लगायतका हलहरुमा चलचित्र प्रदर्शन गरिसकिएको छ । तामाङ रितिरिवाज तथा संस्कृतिमा आधारित रहेर निर्माण गरिएको चलचित्र ‘चारदाम’ कोशी भिजन फिल्मस प्रालीले निर्माण गरेको हो ।
चलचित्रमा सुवास योन्जन तामाङ, सुकुमाया मोक्तान तामाङ, मदन राई, मोहन लोप्चन तामाङ, शान्ति पाख्रिन तामाङ, पूर्ण लिम्बू, बालकलाकार सुम्निमा योन्जन तामाङ, डम्बर किमारी मेन्याङ्बो र मेनुका राई लगायत कलाकारको अभिनय रहेको छ । मोहन लोप्चन तामाङको प्रस्तुतिमा तयार भएको चलचित्रलाई मैना घिसिङ, मदन बहादुर राई, पूर्ण लिम्बू, वर्षा राजभण्डारी तामाङले संयुक्त निर्माण गरेका हुन् । चलचित्रमा प्रेम कृष्ण बजगाईको संगीत, सुमन तामाङको छायाङ्कन र हेमन तामाङ सम्पादन छ ।
Discussion about this post