विशेष अनलाइन । भारतको सिलगुडीमा भएको प्रथम भारत अन्तर्राष्ट्रिय तेक्वान्दो ओपन च्याम्पियनसिप २०२४ मा कलाकार दिनेश कोइरालाले ७५ केजी समूहमा तेस्रो पदक जित्न सफल भए । चलचित्रकर्मी महासंघ कोशी प्रदेशका महासचिव समेत रहेका कोइरालालाई अन्तर्राष्ट्रिय स्तरको प्रतियोगितामा तेस्रो स्थान हासिल गर्न सफल भएको भन्दै सम्मान गरिएको छ । नेपाल चलचित्र निर्देशक समाजको प्रस्तुतिमा आयोजित क्यानडा नेपाल माउन्टेन फिल्म फेस्टिभल २०८१ को समापन समारोहमा कोइरालालाई सम्मान गरिएको हो ।
कार्यक्रमका प्रमुख अतिथि चलचित्र विकास बोर्डका अध्यक्ष भुवन केसीको हातबाट सम्मान पत्र सहित दोसल्ला ओढाएर कोइरालालाई सम्मान गरिएको हो ।
नेपाल सहित भारत, बङ्गलादेश र भुटान गरी जम्मा ४ राष्ट्रका खेलाडीले भाग लिएको प्रतियोगितामा कलाकार कोइरालाले तेस्रो पदक हात पार्न सफल भएका थिए । इटहरी २ मा रहेको राजदेवी तेक्वान्दो दो जाङबाट जम्मा १४ जना खेलाडीले प्रतियोगितामा भाग लिएका थिए । सोही दो जाङबाट सहभागिता जनाउने खेलाडीहरू मध्यका एक कोइराला पनि हुन् । प्रतियोगिता जुन १८,२९ र ३० तारिकमा भारतको सिलगुडी स्थित दिल्ली पब्लिक स्कुलमा भएको थियो ।
यो उपाधि हासिल गरेसँगै कलाकार कोइरालाले राष्ट्रिय तेक्वान्दो खेलाडीका रुपमा समेत आफूलाई परिचित गर्न सफल भएका छन् ।
Discussion about this post