विशेष अनलाइन । ४४ दिनको छायांकन पश्चात चलचित्र ‘द्रौपदी’को छायांकन सकिएको छ । फाल्गुण अन्तिममा डोल्पाको दुनई, कालिका मन्दिरमा शुभसाइत गर्दै यो चलचित्रको छायांकन सुरु गरिएको थियो ।
चलचित्रका निर्देशक ऋषिराज आचार्यका अनुसार शे फोक्सुन्डो तालमा इन्ड क्ल्याप गरिएको हो ।
मोहनकुमार झिल्लुको छायांकन, रवि ओडको संगीत, विजय आचार्यको कला निर्देशन रहेको चलचित्र ‘द्रौपदी’को निर्माण निर्देशक आचार्य सहित विष्णु सुवास र प्रकाश ज्ञवालीले गरेका हुन् । खेमराज भण्डारी र ऋतु आचार्य चलचित्रका सह–निर्माता हुन् । सम्पादन् भने अनिल महर्जनले गर्ने छन्।
चलचित्र ‘द्रौपदी’मा आश्विनी शाही, गायक रवि ओड, कविराज भाम, जेल्सन अधिकारी, सुजाता तिमिल्सिना, विष्णु सुवास ठडराई, प्रकाश ज्ञवाली, सीता पौडेल, सुरज अधिकारी लगायतको अभिनय छ । चलचित्रको प्रदर्शन मिति केही दिनमा सार्वजनिक गर्ने तयारी रहेको निर्देशक आचार्यले जानकारी दिए ।
Discussion about this post