इटहरी / एक नेपाली चलचित्रमा अभिनयका लागी अभिनेता अनमोल केसीलाई ७५ लाख रुपैयामा अफर गरिएको कुरा अहिले पनि नेपाली चलचित्र बजारमा चर्चा भइरहेको छ । उनै अभिनेता केसीलाई आफर गरिएको चलचित्र निर्माणको घोषणा गरिएको छ । चलचित्रको नाम ‘एक्स ९’ राखिएको छ ।
सामाजिक संजालमार्फत निर्देशक मुकुन्द भट्टले ‘एक्स ९’ निर्माणको घोषणा गरेका हुन् । समाजिक सञ्जालमा एक तस्विर सार्वजनिक गर्दै निर्देशक भट्टले उक्त चलचित्रलाई नेपाली चलचित्र क्षेत्रकै सबैभन्दा ठूलो एक्सन थ्रिलर भएको समेत बताएका छन् । चलचित्रमा को को कलाकार हुन्छन् भन्ने विषयमा भने खुलाइएको छैन ।
यस बिषयमा वैशाख २० गते जानकारी दिने उनले बताएका छन् । चलचित्रमा अभिनेता अनमोल केसीलाई ७५ लाख दिएर अफर गरिएको बताइएको छ । तर अभिनेता केसीस्ले पनि चलचित्रमा काम गर्ने वा नगर्ने भन्ने विषयमा भने प्रतिकृया दिएका छैनन् । अभिनेता केसी चलचित्रमा काम गर्न ुकारात्मक भने रहेको बताइएको छ ।
एक्स ९ लेभल १’ नाम दिइएको यो चलचित्रको निर्माण यादवप्रसाद पाठकले गर्न लागेका हुन् । चलचित्रका लागि अभिनेता अनमोल केसीसंगै पुष्प खड्का, सौगात मल्ल र निश्चल बस्नेतलाई पनि अफर गरिएको बताइएको छ ।
Discussion about this post