अब नितेश जंग कुँवरका गीत सुन्न नपाइने

इटहरी / युवा पुस्तामाझ लोकपृय नाम हो नितेश जंग कुँवर । कुँवरले गाएका दर्जनौ गीत युवापुस्ताको ढुकढुकी बनेका छन् । उनै लोकपृय गायक कुँवर नेपाली चलचित्रमा डेव्यु गर्ने तयारीमा थिए । गायनबाट हजारौ फ्यान फलोइङ कमाएका गायक कुँवरले अभिनयका क्षेत्रबाट पनि आफुलाई स्थापित गर्ने धेरैको विस्वास रहेको थियो । उनले नेपाली चलचित्र बाबरीबाट चलचित्र क्षेत्रमा प्रवेश गर्न लागेका थिए । निर्माण युनिट र उनि बिच मोटामोटी सहमती भइसकेको थियो । तर, अन्तत उनले उक्त चलचित्रबाट हात झिके । आफ्नो व्यक्तिगत कारण देखाउदै उनले चललचित्रबाट हात झिकेका थिए । उनले छाडेपछि अभिनेता धिरज मगरले उक्त चलचित्रमा काम सुरु गरिसकेका छन् ।

उनै, गायक नितेश अब चलचित्रबाट मात्र नभई सांगीतिक क्षेत्रबाट पनि टाढिने मनसायमा पुगेका छन् । नितेशले सामाजिक सञ्जाल मार्फत आफ्नो सांगीतिक क्षेत्र अब निष्कर्षमा पुगेको उल्लेख गरेका छन् । उनले, आफ्नो सांगीतिक यात्राको दौरानमा सहयोग गर्ने सबैलाई धन्यवाद समेत दिएका छन् । नितेशले आफुलाई माया गर्ने सबैलाई स्वस्थ रहन र नम्र रहन पनि अपिल गरेका छन् ।

उनले छोटो समयमा लोभ लाग्दो फ्यान फलोइङ कमाएका थिए । तर अचानक सबैलाई निरास बनाएर किन सांगीतिक क्षेत्रलाई निष्कर्षमा पुर्याउने निर्णय गरे, भन्ने विषयमा भने खुलेको छैन । उनको यस्तो निर्णयले उनका लार्खौ फ्यानलाई समेत निरास बनाएको छ ।