बिशेष अनलाइन । चलचित्र ‘हिजो आजका कुरा’को टिमले पूर्वाञ्चलको प्रचारप्रसार सम्पन्न गरेको छ । कोरोना ममारीका कारण निर्धारित मितिमा प्रदर्शन हुन नसकेको ‘हिजो आजका कुरा’ आगामी असोज २८ गतेदेखी देशव्यापी रुपमा प्रदर्शनमा आउँदैछ ।
यसअघि २०७७ को वैशाख १२ गतेका लागि प्रदर्शन मिति तय गरिएको थियो । तर, कोरोना महामारीका कारण सो समयमा चलचित्र प्रदर्शन हुन सकेन । चलचित्रमा समावेश ‘माया जदौ’ गीत निकै लोकप्रिय बनिसकेको छ ।
चलचित्रका निर्माता तथा कलाकार सन्तोष पन्तले शनिबार इटहरी स्थित भाटभटेनीमा संचारकर्मी सँग कुरा गर्दै चलचित्रमा घरमा भोगिरहेका कुरालाई उतारिएको बताए । उनले यो चलचित्र सफल भए युवा पिढीहरु नेपालमा नै बस्ने समेत दावी गरेका छन् । चलचित्रमा समस्या मात्र नभई समाधानलाई पनि देखाइएको उनले जानकारी दिए । पारिवारिक जीवनमा आउने उतार चढाव, संघर्ष, जिम्मेवारी, कर्तब्य र वर्तमान समयको वास्तविकतालाई चलचित्र मार्फत प्रस्तुत गरिएको बताए ।
पन्त फिल्म प्रोडक्सनको प्रस्तुति रहेको चलचित्र सन्तोषका छोरा साकार पन्तको निर्देशनमा बनेको हो । नेपाल टेलिभिजनमा प्रसारण भएको हास्य सिरियल ‘हिजो आजका कुरा’ निक्कै लोकप्रिय मानिन्छ । सोही नाम सापटी लिएर यस चलचित्र निर्माण गरिएको हो ।
पन्त फिल्म प्रोडक्सनको ब्यानरमा निर्मित फिल्मको कथा अभिनेता पन्तकै हो भने पटकथा सन्दिप किस्नाको छ । रवि सायमीले खिचेको फिल्मको कार्यकारी निर्माता प्रतिभा पन्त, सह–निर्माता बैकुष्ठप्रसाद उपाध्याय र सचितकुमार मिश्र छन् । फिल्ममा सन्तोष पन्त, साकार पन्त, रमा थपलिया, केकी अधिकारी, ऋचा शर्मा, दिब्यदेव, रिमा बिश्वकर्मा, स्व।जयनन्द लामा, लक्ष्मी भुसाल, जेविका कार्की, रमेश अधिकारी, मञ्जु श्रेष्ठ, बिनय कुँइकेल, अनुष्का अधिकारी, निराजनप्रसाद अर्याल, सबिन शाक्य, कमला रेग्मी, रिहान केसीलगायतले अभिनय गरेका छन ।
Discussion about this post