बिशेष अनलाइन । नेपाल चलचित्रकर्मी महासंघ प्रदेश १ ले चलचित्र निर्माण प्रशिक्षण सफलता पुर्वक सम्पन्न गरेको छ । प्रदेश १ का यातायात व्यवस्था तथा सञ्चार मन्त्री उपेन्द्र प्रसााद घिमिरेको प्रमुख आतिथ्यतामा सम्पन्न कार्यक्रममा प्रदेश १ का बिभिन्न चलचित्रकर्मीहरुको उपस्थिति रहेको थियो । कार्यक्रमलाई सम्बोधन गर्दै मन्त्री घिमिरेले प्रदेश एकमा चलचित्र बिकासवोर्ड स्थापनाका लागि आफु सकारात्मक रहेको बताए । उनलो प्रदेश १ मा चलचित्र गतिविधी बढाउन चलचित्रकर्मीसँग सहकार्य गरेर अघि बढ्न तयार रहेको उल्लेख गरे ।
फागुन २३ देखी २८ गते सम्म भएकोचलचित्र निर्माण प्रशिक्षणमा अभिनय,लेखन,निर्देशन तथा प्रोडक्सन, सम्पादन,क्यामरा, मिडिया तथा मार्केटिङ,चलचित्र र समाज लगायतका विषयमा प्रशिक्षण दिइएको महासंघका अध्यक्ष अरुण कुमार प्रधानले जानकारी दिए ।
प्रशिक्षकका रुपमा वरिष्ठ कलाकार निर शाह, कलाकार युवराज लामा, भोलाराज सापकोटा,निर्देशक तथा कलाकार दीपाश्री निरौला, रविन्द्र खड्का,निर्माता रक्षा सिंह राणा,छायाकार पुरुषोत्तम प्रधान, निर्देशक जनकदिप पराजुली लगायत रहेका थिए ।
प्रदेश १ लाई केन्द्रमा रहेका चलचित्रकर्मीहरुले हेर्ने दृष्टिकोण हेपाहा प्रवित्तिको भएको र उक्त दृष्टिकोणमा परिवर्तन ल्याउने उद्देश्यका साथ कार्यक्रमको आयोजना गरिएको र उद्देश्य पुर्तिमा सफल महशुष भएको अध्यक्ष प्रधानको भनाई छ । कोभिड १९ पछिको ठप्प चलचित्र नगरीलाई चलायमान बनाउने अर्को उद्देश्य राखिएको र राष्ट्रिय स्तरमा ख्याति कमाएका चलचित्रकर्मीलाई प्रदेश १ मा उतार्न सफल भएका कारण पनि प्रदेश १ को चलचित्र बजारलाई थप टेवा पुगेको अध्यक्ष प्रधानले बताए ।
प्रदेश १ का १४ जिल्लामा भएका पर्यटकिय क्षेत्रका बिषयमा अन्तरकृया गरी त्यस्ता सम्भावित क्षेत्रमा चलचित्र छायांकनको लागि चलचित्रकर्मीलाई आकर्षित गराउन पनि कार्यक्रमले महत्वपूर्ण भुमिका निर्वाह गरेको महासंघका महासचिव दिनेश कोइरालाको भनाई छ ।
प्रदेश १ का १४ जिल्ला बाट झण्डै ५० जना भन्दा धेरै सहभागी भएको र ५ दिनको सिकाई उपलब्धी मुलक भएको प्रशिक्षणमा सहभागी प्रशिक्षार्थीहरुले बताए । धरानको हरियाली सामुदायिक बनको हलमा आयोजना भएको उक्त प्रशिक्षण कार्यक्रममा २ हजार शुल्क तोकिएको थियो भने उक्त तालिममा टाढाबाट आउने प्रशिक्षार्थीहरुलाई खान तथा बस्नका लागि समेत व्यवस्था गारिएको थियो ।
प्रशिक्षणमा सहभागीहरु मध्ये उत्कृष्ट एकजनालाई इटहरी स्थित पुर्वान्चल इन्स्टिच्युट अफ फिल्म एण्ड टेलिभिजनले फिल्मिङ कोर्षको लागि निशुल्क सिक्ने व्यबस्था मिलाइएको छ । साथै अन्य सहभागी जो कोहीले फिल्मिङ कोर्ष गर्न चाहको खण्डमा ५० प्रतिशत छुटको व्यवस्था गरिएको पुर्वान्चल इन्स्टिच्युट अफ फिल्म एण्ड टेलिभिजनका प्रबन्धक रोनिश राउतले जानकारी दिए ।
सहभागीहरुबाट १५ दिन भित्रमा एउटा छोटो चलचित्र निर्माण गरी बुझाउने पर्ने र उक्त छोटो चलचित्रमा गरिएको कामको मुल्यांकनका अधारमा फिल्मिङ कोर्षको लागि निशुल्क सिक्ने व्यबस्था मिलाइने राउतले बताए ।
सोही कामलाई हेरेर हरेक बिधालाई अवार्ड समेत प्रदान गरिने अध्यक्ष प्रधानको भनाइ थियो । चलचित्र विकाष वोर्डको सहकार्यमा नेपाल चलचित्रकर्मी महासंघ प्रदेश १ ले आयोजना गर्न लागेको उक्त प्रशिक्षण कार्यक्रमको संयोजन नेपाल चलचित्र निर्देशक समाज काठमाण्डौले गर्ने छ ।
Discussion about this post