बिशेष अनलाइन । यतिबेला चलचित्र हलहरुमा नेपाली चलचित्र “चपली आइट ३” प्रदर्शन भइरहेको छ । चलचित्रले सामान्य ब्यापार गरिरहेको छ । तर, एकाएक सङ्क्रमणको जोखिम बढेपछि पुन मनोरञ्जन नगरी समस्यामा पर्ने देखिएको छ ।
नेपाल सरकारले कोरोना सङ्क्रमणको जोखिम बढेको भन्दै माघ १५ गतेसम्मलाई मनोरञ्जन क्षेत्र बन्द गर्ने निर्णय गरेको छ । यसको प्रत्यक्ष असर प्रदर्शनरत चलचित्र “चपली आइट ३” लाई पर्ने देखिएको छ ।
मन्त्रिपरिषद् बैठकका निर्णय सार्वजनिक गर्दै सञ्चार तथा सूचना प्रविधि मन्त्री ज्ञानेन्द्रबहादुर कार्कीले माघ १५ सम्म चलचित्र हल, रात्रिकालीन सबै प्रकारका व्यवसाय, जिम हलहरू साथै अन्य मनोरञ्जनका सम्पुर्ण क्षेत्र बन्द गर्ने निर्णय भएको जानकारी दिएका थिए ।
धेरै भिडभाड हुने गतिविधी माघ मसान्तसम्म नगर्न पनि सरकारले अनुरोध गरेको छ । बैठक, गोष्ठि, समीक्षा, जस्ता क्रियाकलाप सञ्चालन गर्दा भर्चुअल माध्यमबाट गर्ने र भौतिक रुपमै उपस्थित भएर गर्नुपरेमा एण्टिजेन परीक्षण गर्ने र जनस्वास्थ्यका मापदण्डको पालन गर्ने निर्णय भएको मन्त्री कार्कीले जानकारी दिएका थिए ।
Discussion about this post