बिशेष अनलाइन । कोरोना भाइरसको तेस्रो लहर दिन प्रतिदिन बड्दैगर्दा नेपाली चलचित्र नगरी पुन अन्धकारमय बन्ने देखिएको छ । विदेशी चलचित्रले केही आसा देखाएका चलचित्र हलहरु अब कहिलेबाट बन्द हुन्छन् यसै भन्न सक्ने अवस्था छैन । सरकारले भेला तथा सम्मेलन गर्न रोक लगाइसकेको छ भने २५ जना भन्दा धेरै एक स्थानमा भेला हुन नपाउने पनि बताइसकेको छ । यसैबिच चलचित्र नेपाली चलचित्र ‘चपली हाइट ३’ आजबाट प्रदर्शनमा आएको छ ।
‘चपली हाइट ३’लाई देशभरका मल्टिप्लेक्सले सुखद शो दिएका छन् । देशकै ठूलो क्यूएफएक्स चेनले यो चलचित्रलाई २६ शो उपलब्ध गराएको छ । बिग मुभिज, वान सिनेमाज, वीएसआर, एफक्युबमा पनि चलचित्रले सुखद् शो पाएको छ ।
‘चपली हाइट ३’२०७६ सालमा नै प्रदर्शन गर्ने तय गरिसकेको थियो । तर, कोरोना महामारीका कारण चलचित्र प्रदर्शन मिति सार्न निर्माण युनिट बाध्य भएको थियो । कोरोना भाइरस कम हुदै गए पछि पुन निर्माण युनिटले चलचित्र प्रदर्शनका लागि पुष २ गतेलाई तय गरेको थियो । तर, यही मितिमा साउथको हिन्दी डब चलचिध ‘पुष्पा’ र हलिउड चलचित्र ‘स्पाइडर म्यान नो वे होम’ प्रदर्शन हुने भएपछि यो युनिटले चलचित्र प्रदर्शन पुष ३० मा गर्ने निर्णय गरेको थियो ।
अर्जुन कुमारले निर्माण गरेको चलचित्र ‘चपली हाइट ३’को निर्देशन निकेश खड्काले गरेका हुन् । चलचित्रमा स्वस्तिमा खड्का,अर्पण थापा, आमिर गौतम, सुपुष्पा भट्ट, महेश त्रिपाठी, प्रतिकमान श्रेष्ठ, दीपाश्री निरौला, लक्ष्मी बर्देवा, लोकेन्द्र लेखक, विशाल पहारी, जीवन भट्टराई, सुष्मा निरौला लगायतका कलाकारहरुको अभिनय देख्न सकिन्छ । पुरुषोत्तम प्रधानको छायांकन रहेको चलचित्रको कथा आकाश बरालले तयार गरेका हुन् ।
Discussion about this post