बिशेष अनलाइन । लघुचलचित्र ‘छोरी’को ट्रेलर सार्वजनिक गरिएको छ । चलचित्रमा परदेशमा रहेकी छोरी चाडपर्व नजिकिँदै गर्दा आफ्ना आफन्त भेट्न आतुर भएर पनि जन्मभूमि फर्किन नपाउँदाको छोरीको पीडा प्रस्तुत गरिएको छ । यता छोरीको यातमा चाडपर्व मनाउँदा हर्ष र उल्लास नभएको बुवाको कथालाई पनि चलचित्रमा उत्कृष्ट शैलिमा प्रस्तुत गरिएको छ।
सुवासप्रसाद पाण्डे र नवराज भण्डारी चलचित्र ‘छोरी’को कार्यकारी निर्माता हुन् । चलचित्रमा वसन्त पोखरेलको लेखन र निर्देशन छ । १५ मिनेटको समय अवधिमा फिल्मको कथा सकिएको छ । चलचित्रमा वसन्त पोख्रेल, सरिता भुजेल, सुरेन्द्र थापा, अजय पन्त, आर के बिसी, सम्झना थापा र बालकलाकार श्रीदा पाण्डे लगायत कलाकारहरूले अभिनय गरेका छन् । चलचित्रको प्रस्तुकर्ता सुरेन्द्र थापा हुन् ।
चलचित्रमा ग्राफिक्स र सम्पादन गौतमराज खड्काको रहेको छ । छायांकन ज्ञानु राईले गरेकी छिन् । चलचित्रमा मनोजराज बाहकको ध्वनि, र सौगात बस्नेतको मुख्य सहायक निर्देशन रहेको छ । चलचित्र ‘छोरी’असोज २१ गतेबाट नेपाल भन्दा बहिरका दर्शकले भिडियो पसल मर्फत र नेपाल भित्र नेट टिभी मर्फत हेर्न सकिने चलचित्रका प्रस्तुतकर्ता सुरेन्द्र थापाले बिशेष अनलाइनलाई जानकारी दिए ।
Discussion about this post