इटहरी / नेपाली चलचित्र ‘सुदुर’का लागी टिकटक बाट उदाएकी मोडल गरिमा शर्मालाई अफर गरिएको छ । चलचित्र प्राविधिक संघका अध्यक्ष पुष्कर लामाले गरिमा शर्मासँग कुराकानी भएको पुष्टि गरेका छन् ।
गरिमालाई अफर आएको भए पनि गरिमाले चलचित्र गर्ने नगर्ने विषयमा प्रतिकृया दिइ नसकेको बताइएको छ । तर, चलचित्रमा काम गर्न गरिमा सकारात्मक रहेको लामाले उल्लेख गरेका छन् । निर्देशक रमेश वुढाथोकीको निर्देशनमा बन्न लागेको चलचित्रको नायकका लागी अभिनेता पुष्प खड्कालाई अफर गरिएको छ । तर, लेनदेनमा कुरा नमिल्दा नायकको पनि टुंगो लाग्न बाकी रहेको छ ।
गरिमालाई अफर गर्नु पुर्व चलचित्रका लागी अभिनेत्री वर्षा सिवाकोटीलाई अफर गरिएको थियो । वर्षा पनि चलचित्रमा काम गर्न राजी अएकी थिइन् तर अन्तिम समयमा वर्षाले चलचित्रबाट हात झिकेपछी गरिमालाई अफर गरिएको हो । चलचित्र ‘सुदुर’को छायांकन जुम्लामा गरिने बताइएको छ ।
Discussion about this post