‘महानायक’बहसबिच राजेश हमालले भनेः ‘कर्म सहि गर, फल आफै प्राप्त हुन्छ’

बिशेष अनलाइन । नेपाली चलचित्र नगरीमा बेला बेलामा महानायकको विषयमा चर्चा हुने गरेको छ । महानायक राजेश हमाल आफै बिवादमा आएको बिरलै सुन्न पाइन्छ । तर, उनलाई दिइएको उपाधी भने बेला बखतमा बिवादमा आउने गरेको छ । यतिबेला पुन नेपाली चलचित्र क्षेत्रमा ‘महानायक’ को हो भन्ने विषयमा विवाद सिर्जना भएको छ। कलाकारहरु राजेश हमाललाई महानायक मान्ने कि नमान्ने भनेर दुई ध्रुवमा नै बाँडिएका छन्।

कतिपय कलाकारहरु नेपाली चलचित्र नगरीमा महानायकमा राजेश हमालको बिकल्प नभएको बताउने गरेका छन् भने कतिपय सिनेकर्मीहरुले राजेश हमाललाई महानायक मान्न नसकिने अभिव्यक्ति दिने गरेका छन् । एक कार्यक्रमका बिच राजेश हमालकै समयका अभिनेता शिव श्रेष्ठले महानायक राजेश हमाल नभएर भुवन केसी भएको उल्लेख गरेपछि पुन बिवाद सुरु भएको हो । अभिनेता श्रेष्ठले गौरी मल्ल महानायिका भएको र भुवन केसी महानायक भएको उल्लेख गरेका छन् ।

‘भुवन केसी चलचित्र क्षेत्रमा नभएको भए नेपाली चलचित्र क्षेत्र जमनामै बन्द भइसक्ने थियो । त्येसैले नेपाली चलचित्र नगरीको महानायक भुवन केसी हुन् भने महानायिका गौरी मल्ल हुन्,’ अभिनेता श्रेष्ठले भनेका छन् । अभिनेता श्रेष्ठले भुवन केसी महानायक भएको उल्लेख गरेपछि नेपाली दर्शक भने रुष्ट बनेका छन् । बिभिन्न सामाजिक सञ्जालहरुमा राजेश हमालको बिकल्पमा नेपाली चलचित्र नगरीमा अर्को कोही पनि नभएको बताएका छन् ।

यसबीच महानायक राजेश हमालले पनि सामाजिक सञ्जाल फेसबुकमा एक पोस्ट गर्दै कर्म गरे फल आफै प्राप्त हुने बताएका छन्। उनले आफ्ना केही तस्विर सहित पोष्ट गर्दै भनेका छन्,‘कर्म सहि गर, फल प्राप्त हुनेछ।’ उनले अंग्रेजीमा ‘Let your work speak for itself..’ अर्थात् मुखले बोल्नु भन्दा कामले मन जित्नुपर्ने महानायक हमालले धारणा ब्यक्त गरेका छन् ।

https://www.youtube.com/watch?v=aIsdawngENg&t=24s