अनमोललाई ७५ लाखको अफर

इटहरी / यति बेला नेपाली चलचित्र नगरी कोरोना भाइरसका कारण थलिएको छ । अन्य क्षेत्र बिस्तारै कोरोना भाइरसको ह्याङ ओभरबाट बाहिर आउन थाले पनि चलचित्र हलमा भने दर्शक सुन्यकै अवस्थामा छन् । तर, यस्तो अवस्थामा पनि नेपाली चलचित्र निर्माता पैशा खन्याउन पछी परेका छैनन् ।

यसै बिच अभिनेता अनमोल केसीलाई एक चलचित्रमा नेपाली चलचित्र इतिहासकै सबै भन्दा धेरै पारिश्रमिक सहित अफर गरिएको छ । चलचित्र लप्पन छप्पन २ का निर्देशक मुकुन्द भट्टले अनमोललाई एक मल्टिस्टारर चलचित्रका लागि ७५ लाख पारिश्रमिक सहित अफर गरेका हुन् । यति ठुलो रकम सहित अफर आएको भए पनि अनमोलले कुनै प्रतिकृया दिएका छैनन् । यतिबेला अभिनेता केसी चलचित्र ‘ए मेरो हजुर ४’ को छायांकनमा व्यस्त छन् ।

यसपछि उनले होम प्रोडक्शनकै चलचित्र पारसमा काम गर्ने तयारी गरेको बताइएको छ । अनमोल केसीले यस अघि एक चलचित्रमा काम गरेको ५० लाखसम्म पारिश्रमिक लिने गरेका थिए ।